CHAPTER 1).
( A ngai ngai in, ka duty pui leh ka țhianpa, Chester Ralte ina a hun tawn mak tak mai, a boral hnu a alehkhabu, a thuziah ho a dahkhawmna ka hai chhuah lehna ah chuan he thû, a hun tawn mak tak mai hi a lo ziak tel a, a chhiar nawm nan thil awmdân leh thil thlên dân erawh hi chu a indawt leh felfai deuh zâwk nî a ka hriât dân in ka siamrêm leh a.
Chutia ka tih avang chuan thil awmdân leh thil thlêng erawh ka hmaih chuang hauh lo ania.
A ziah lai vel hian a rilru a buai emaw, a nuamsamlo emaw a ni ta hial ve ang, a chhan chu mi invawng fel thlep chî, mi chîmlîm mî anih avangin he a thuziah hnuhnûng ber erawh hi chu a phuailuai in thâichhiat a tam a, ziah țhat leh ziah nawn te, ziâk fiahlo tê a tam êm êm tlat a ni.
A engpawh chu nisela, he thuziak mak leh lungchhiat thlâk tak hi han chhiar ve phawt mai teh le.)
September Ni sawmhnih leh pahnih (22) nî khan Facebook Group pakhat, STORY FB- chuan Park Eden, Falkland vêng ah Group Picnic an nei a.....
.Picnic na hmun tûr an hai avâng leh kawng an bo avang chuan Chester te țhian dûn chu an tlâi kher mai.. Hunserh kha dâr sawmleh pakhat (11:00) ah a ni tih hre mahse, Park Eden an thlen ve meuh chuan dâr sawmleh pahnih (12:00) alo pêl dêr tawh mai lehnghâl a.
Gate chhûngah chuan motor alo awm nual tawh a, mihring veivâk erawh an awmlo, an motor dahna piah lawk a Swimming Pool thlanglam thîrlên hung chhûnga Zâwngte (monkey) râk bengchheng lutuk tihloh chu thâwm a awmlo kher mai. Muangchângin Hall- lamah chuan an inzui phei a, an rin ang ngeiin an tlâi chiang kher mai. Hunserh anlo hmang mêk a, engemaw chen chu pâwnah chuan an han awm khawmuang a, an zah vâng pawh ani mahna...
"Chester"
ti a Ngaian- a rawn auh chuan inchhûnglam ami te chu an rawn hawichhuak hlawm a, Chester- chu a zah hmêl angreng khawp mai. Rang fahran hian inchhûnglamah chuan an țhian dûn chuan an inzui lût ta nghal a.
Facebook Group khat a awm, Nova- Tuilêt hnulam a vawikhat tê pawh ala hmuh ngailoh hlîr mai te nena in hmatawn sak a an han țhut dul mai avangte chuan a awm anuam thei ngang lo.
Thutâwi engemaw sawi tûra an sâwm pawh chuan a hnar phah ta rêng bawk a. Tichuan hunserh te an hmang zo a, Group thlalâk tê, Writer bîk thlalak ho na te leh eng eng emaw te an neih hnû chuan an hun hman dânte pawh chu a hlimawm leh a huau huau zâwngin a inthlâk ta vat a. A țhen in tui an chêng a, a khâwp lêt lêt a lo in têl hrang tawk lah bo lo, engpawhnise a țha lam vek ah angaih theih ang chu, Hlim taka hun hmang tûr a kal an ni miau a. Writer ho te pawh in thlalâk puitu leh chibai tu an tawng zing malh malh khawp mai.
A dik chauh chuan he Picnic pawh hi thuziak mî te leh an thuziah chhiar tute, anmahni ngaisang ve êm êm tute leh buai chung chung pawh a an thuziah te lo chhiarsak a, lo ngaihlu tute in tawhkhawmna leh hmaichhana inhmuh a, hun hlimawm an hman ho theih nan a buatsaih pawh a ni rêng a.
Nilêngin hun hlimawm tak an hmang a, tlailamah chawhlui an kil ho nghal bawk a. Chutia chawhlui te an kîl zawh hnu chuan thuziakmi ho te chu Group member fel leh hmelțha tak mai Țhuampui vêng a chêng, Siamtei Khawlhring in kan vêng a hnai ber bawk a, tiin an inlam ah inhmukhawm a, thingpui te in ho leh tûr in tihtaktê in a sâwm a.
Tichuan a hu hova kal a remchâng zâwk tiin Nutêi Tuahzo- leh Julie Chhangte- te motor chuan kal ho an titlu ta a. Nutei- hian i10 kengin, Elty, Nubawihi Hnamte leh Muantea-a te an chuang a,
Julie Chhangte- motor Eon- ah, Sangpuia khawlhring, Chester Ralte leh Arel Khawlhring te chuang tûr in an insiamrem bawk a.
Chhuah mai theih anih tawh lai chuan Ngaia leh Nubawihi- chu Park- hire chungchâng leh pawisa lam eng emaw tihfel leh lawk angaih avangin Park Chowkider- te nen an in hmu lehlawk a. Chumi chhûng chuan Julie Motor ah chuan Chester, Arel-a, Sangpuia- leh amah Julie- te chu ring fahran a Car Tape ngaithla chung hian an țhu țhâm hlawm a. Chester- chu a hmâ zân lama a hna lam ina a tihbuai rei avânga mu manglo anih nâklaiin, nilêngin an picnic leh bawk si a, Motor tukverh hawng a thlifîm in chhêm tîr in a țhu chhîng deuh diar diar a.
*. An bul chiah a Nutei- motor ding ațanga rawn chhuah pah hian Muantea chuan,
"Rin aiin Ngaia te chu an rei daih mai, lo nghah pah in tlêm kan lem belh leh lawk ange(?)"
tiin a piah deuh lawk a Pathian thusawi avânga țhukhâwm niâwmlo fahran mai, mi panga vêl țhukhâwm lam chu a pan ding nghal a. Chumi hnû lawk chuan Maêngi Ralte chuan Nute-i chu biain,
"Kan Pû te lamin min rawn phone a, hna lama ka kal angai leh thut sia, ka lo kalkawi ve tawhlo mai ang e," a ti a.
a scooty chu a tinung zui nghal a,
" Vawiin nî ber kher a, inpû te chu hauh an ngai anih chu." tiin nuih vur vur pah hian Nutei chuan a chhang a.
"Niang chu mawle, Tanker ho nawrh chungchâng vêl ania, Tanker Driver- ho hi chhîpthlâk deuh ang ngai a ni." nui uarh uarh chung hian Maengi- chuan a ti a.
Tichuan Scooty chu tinungin a tlân zui ta nghal a. Chumi hnû lawk chuan Ngaia leh Nubawihi- pawh chu anlo lêt a, chhuah mai an tum tawh hnûah Muantea chu an han aû leh tê tê a, a ni Muantea lah chu ava kalna ah chuan alo țawng tui leh tawh nasa chu niin.
"minute khat chauh" tiin țawng duhna Châwltui chu no khat an khiât leh tê tê a.
Nubawihi motor a a luh hnu chuan Ngaia chuan, " In hnungah Duati- nen kanlo kal ang, kanlo inphur chho mai ange." a ti a. Tichuan Julie te chuan hmâ hruaiin, Nûtei te nen chuan an in zui chhuak ta a.
Thui pawh anla tlân hman lo, Falkland Main Road- ațanga Park Eden pênna, Park Eden ațanga tlân chhoh char char a Falkland Main Road han pawhna chiah pêngțhuam anih chu.
Julie te chu tlân hmasa zâwk an ni a, hemi pêng țhuam lai ah hian kawngpui a zau chuan bïkloh avangin Julie hian a khalh chak lo hle a, muangchângin kawngpui a chhuak a, a chhuak fel chiah tih in Nutei te chu an rawn lang ve nghal bawk a.
Chutih lai tak chuan Pushpak School lam, kawng chhak lam ațang chuan Falkland lampan hian chak fahran mai hian Truck ke sâwmpahnih nei chî, World Bank- ho motor hi arawn tlan a.
Second hnih vêl lek a ni.
(!!) "LALPA!!!"
"AWI KA NU!!"
"KA DUHLO!!!"
Motor leh motor in su rî rum rum leh mangang aû ri chu a ri chêl chûl a.
Khatia Julie- ina kawngpui a han pawh chho chiah kha Truck breakfail chak lutuk maia rawn tlân thlâ chuan a rawn su lêng lawp a. Truck Driver- ina a rilru chiai tak a motor thunun tuma a theihtâwp a a stearing a herh a vâng in chutia Julie- te motor a sut hnu chiah chuan a motor chu kâwiin kawng péng ațanga rawn chhuakchho tûr chiah Nutei- te motor chu leh pah hian a hnâwl zui leh nghal a.
Nutei- te motor chu kawngthlanga building in chu hnâwl chilh in a chhûnga chuangte chu kâ pawh chhâwn lohvin an boral nghal vek a.
Julie- te pawh an bâng chuanglo, Chester leh Arel-a phei chu an taksa hmuh tlâk awmlo khawp in a chhe nasa a, Julie phei chu a luruh a keh mai bâk ah a nâkruh tliak te chuan ataksa an rawn chhun tlâng hial a...
A phu dâwrh a, harh chiang kher mai, a thlan tui chuan abual nghal zawih zawih a.
Khatia thlifîm a in chhêm tîr kha alo muhil sek chu niin,
Chutia a phu deuh zuk chu abul ațhû Arel-a leh Sangpuia titi lai chuan mak tih hmel zet hian an rawn en deuh hû a,
"Enga ti nge"
Arela- chuan ati deuh hû a.
Chester chuan bah deuh nuaih hian,
"Ka lo chhîng sek a ni maw, a tak emaw ka ti a," a tih lai mêk chuan Sangpuia chuan,
Kan bengchheng deuh emni" inthlahrun hmel deuh hian a rawn ti ve bawk a.
"Chutiang lam pawh a ni lo, ka mumang kha, ka mumang kha a mak lutuk.."
tiin rawmawl a inhrûk pah chuan a chhâng buai deuh niai a.
Chutih lai chuan an bul chiah a Nutei- motor ding ațanga rawn chhuah pah hian Muantea chuan,
"Rin aiin Ngaia te chu an rei daih mai, lo nghah pah in tlêm kan lem belh leh lawk ange(?)" tiin a piah deuh lawk a Pathian thusawi avânga țhukhâwm niâwmlo fahran mai, mi panga vêl țhukhâwm lam chu a pan ding nghal a.
Chester chuan mak atih hmêl kher mai,
Muantea chhuak chu motor tukverh ațang chuan ka hau chung hian a thlîr zui reng a.
"A ni chiah, a ni chiah mai, ava han mak ngai ve." ti a ama hriattawk lek a a phun melh melh lai chuan Arela bawk chuan,
"I mumang ațha vak nange, I chau deuh emni," tih leh hmalama Julie țhû chu tui a dîl zawm nghal a.
" Julie, Tui kha ala awm em, lo la lawk mai teh, Chester- hi han in phih fai teh se" fiamthu angreng deuh hian a tih zawm nghal zat a.
Julie pawh chuan tui bottle chu a rawn la ve mai bawk a, engmah sawi chuanglo chuan arawn nui suk a, phone ah mî a be zawm nghal daih a,
Chester erawh chu a in phih chuanglo, tlêm tê a in a, eng emaw ngaihtuah niawm tak hian Muantea te țhukhâwm lam chu a thlîr zui ta reng a.
Rei pawh a nilo, motor leh motor inkârah chuan Maêngi Ralte chuan a scooty chu leng leh lenglo a rawn khalh pheiin Nute-i chu arawn bia a.
"Kan Pû te lamin min rawn phone a, hna lama ka kal angai leh thut sia, ka lo kalkawi ve tawhlo mai ang e," a rawn ti a.
" Vawiin nî ber kher a, inpû te chu hauh an ngai anih chu." tiin nuih vur vur pah hian Nutei chuan alo chhang a.
"Niang chu mawle, Tanker ho nawrh chungchâng vêl ania, Tanker Driver- ho hi chhîpthlâk deuh ang ngai a ni." nui uarh uarh chung hian Maengi- chuan a ti a.
"Anih phawt u," tiin a tlân chhuak zui ta nghal a.
Chester chuan chu an inbiakna chu chiang tak hian alo ngaithla a, zawi sap hian,
"A ni chiah mai, engkim a dik anih hi, a van mak ngai ve le" a ti a.
Chû a thusawi chu Arela chuan lo hre phâ in,
"Enge maw nile, nangmah leh nangmah i inbiak tâk chiam chiam a," ngaihțhat loh hmêl deuh hian arawn ti a.
Chester chuan," Nia, Aw, Englo....'' ati bah nuaih a,
"Chester..." Arel an tih lai lai chuan, Chester bawk chuan,
"Nia, Nichin a ka mutthilh zawk khan mumang kalo nei hman a...Mumang niin la hria,...Englo..''
tiin sawi pawh a sawi zawh hma chuan Ngaia leh Nubawihi-te chu lo lêtin an rawn thleng chiah a,
Nubawihi motor a aluh lai mêk chuan Ngaia chuan Muantea chu a han aû a, a ni Muantea lah chu ava kalna ah chuan alo la țawng tui kher mai.
"minute khat chauh" tiin țawng duhna Châwltui chu no khat an khiât leh tê tê a.
Chutah Chester chuan buainuaih hian Motor kawngkhar chu hawn pah in, " Ka lo kal lo mai ang, Ka nuamsamlo deuh emai, bâkah...." tih leh chhuah arual zui nghal a, Arela chuan rawn zui chhuakin,
"Enga ti maw,Chester, Enge ni a." a ngaihna hriatloh hmel deuh hian a rawn ti a.
Ngaia pawh chuan, "Nang ber ikal loh ten, enga ti nge" arawn ti ve bawk a.
"Nichin khan a muhil a, arawn harh leh hnu khan a buai deuh nuaih mai, a chau deuh emawni." Arela chuan alo tih zawm a.
"Nia, Ka lo tello mai ange, englo... haw mai ka duh..ka duh deuh thut..." Chester chuan a ti a.
Ngaia chuan," anih chuan nidangah dawrah lo leng ang che," a ti a, chu a thusawi chu Chester chuan hria âwm pawhin alanglo. A kalsawn nghal daih a.
A Kalpui Muana te awmna lam chu pan ding nghal in, a ko fâla, eng emaw a hrilh chiam hnu chuan an scooty chu ti nungin an in phur chhuak zui ta nghal a.
An kal dawn chuan Chester chuan,
" a pawi khawp mai, nakinah kanla sawi dawn nia," tiin ngaihțhat loh hmêl taka lo en tu Ngaia leh Arel-a te chu a thlah a.
Ngaia chuan,'' A nih phawt ula, nia, kanla sawi dawn nia " a ti a.
Chutah Arela hnenah chuan,
" In hnungah Duati- nen kanlo kal ang e, kanlo inphur chho mai ang" a tih zawm nghal zat a.
Tichuan Chester te chu an tlân chhuak zui ta nghal a.
Chutia Chester- te chhuak ta chuan Falkland pêng an thleng chiah tih in Truck ke sawmlehpahnih nei chi Falkland lam pan tum a lo in Turn mêk hi an tâwk a, Chester erawh chuan a hmulo.
Țhuampui péng an thleng deuh chiah tihin Ngaia chuan a rawn phone a, kawngsîra ding in phone chu an pick up a,
"Chester...Chester, I hre thei em, Chester"..
Ngaia âw chu a fiahlo in a bah deuh nuaih a.
"Aw. Enge ni ta,Ngaia" ring angreng tak a atih chuan, Ngaia bawk chuan,
"Kan Accident, Julie leh Nutei- te kha..."
"Engmaw itih..Accident a..." tiin Chester chuan ring lênglâwng hian a ti a. A bula Muana bâkah an kiang vêla mï te chuan Chester chu an rawn en zawk hlawm a.
"Aw, Truck nen an in su a, An vaiin an boral nghal vek, motor pawh hmuh tlâk a awmlo, an vaiin....an vaiin..."
"Enge nï a" a bula ațhianpa Muana'n atih pawh chuan a chhânglo, a din ngaiin a ding reng a, a phone ken lai chu leiah a thlauh keh chuaih a.
(CHAPTER 2).
Picnic na a Thihna râpthlâk tak a thlen ațang khan thlakhat dâwn aliam a, chumi hun inkâr erawh chuan thil duhawmlo erawh a thlen belh tawh lo.
Khâ thil thlen hnû ațang khan Chester- chu a buai deuh nuaih reng a, khâ thihna thleng avâng khan a inthiamlo êm êm a, ama thah leh thlentîr ah angai deuh tlat lehnghal.
Ngaia leh midang te pawhin an be tlang theilo, a țhian vânduaina tâwk te vûina leh thlahna hunah pawh lan tih rêng rêng aneihloh avâng chuan a thuziah pui te bâkah ama hnathawhna lama a țhian, a thawhpui te pawh chuan an dem viau a, mahse eng a ang thei chuanglo, khâ hun ațang khân Social Network leh a kaihhnawih lam rêng rêng a khawih ngai ta hauhlo a, a phone pawh a thlauhkeh ang ang khân angaiin a dah tawp a, siamțhat emaw, a dang lei emaw pawh a tum chuang lo.
Țha takin a hnâ a thawk a, a țawng tlêm êm êm a, zân lamah pawh rei tak tak thleng a Lehkhabu maksak tak tak, Paranormal leh Unknown Mysteries- lam chhiar a a men loh leh khawthim rual in a mu nghal mai zêl a.
Chutiang teh nuaih chu a hun hman dân chu a ni.
Facebook a an Group, an Picnic pui te phei chuan khâng Writer- vânduai tâ te kha an uiin thlahna hunte an hmang a, anmahni hriatreng nân eng eng emaw te duangin a huhovin thil an tikhâwm zui duah reng a.
A bîkin Nûtei Tuahzo phei chûan Picnic na ah a thawnthu thar 'Despacito' - pawh a peihfel tawh thû leh chhuah mai theih anih tawh thû a sawi khâ a ni sia, mahse a thuziak âtchilh leh ngaina tû tak tak te chuan engtikah mah 'Despacito Story' chu an chhhiar ngai dâwn ta lo a ni.
Chûng lampang te phei chu Chester chuan a ngaihsak lo in a hre lo hulhual lehnghal.
. ............................................. ..................................... ................................ .................................
.Date : 24, October, 2017...
Hemi tûk zîng a Chester-a hna a a kal chu Picnic na a a kalpui leh a duty pui mêk, Muana- chuan Office- a thlen veleh chuan Jasper Duat-in alo phone thû leh biak a duh thu alo hrilh a.
(Jasper Duati- leh Muana te hi Picnic kal tûr ho Whattsapp Group khat a an awm ho avang leh Chester-an a kalpui khâ ani tih a hriat avâng in alo pe pawp a ni âwm e.)
Chester chuan a phone atih chhiat avang chuan Muana phone hmanloh chu a hmansak ta nge nge a.
07: 35 PM..
."Chester, Duati ka nia, En teh....Mak iti ve tho ang.."
" Eng lampang nge ni tâ.."
"Englo ania, Kan Group Creator Ngaia- boral thû kha i hre vê em."
" Engtin a, Ngaia maw....Chu...Engtin nge.."
Bah deuh nuaih hian Chester chuan a ti a, a lungphû te chu ri deuh dawt dawt hian a hria a.
"Hello, Chester...Hello, Hello...I hre thei em? Chester..."
Ngaihțhat loh hmel tak Duat-ina a koh nawn sek pawh chuan a chhâng lawk lo.
"Hre lo, Engmah ka hre lo, Engtin nge..Engtia boral...tinge..."
a țawng chu a fiahlo in a zâwi kher mai.
Chutah Duati chuan," Chester, Tinge a, Chester... i van nawmsamloh hmêl ve.." in thlahrun hmêl deuh hian a rawn ti a. mahse lehlam pang phone erawh areh vung vung mai.
"Hello, Chester, naktûk lamah kan in be țha leh dâwn nia, Englo...Aw, ngai lehlo mai, Ka lo phone leh ang che, mangțhâ phawt.."
Hei hi chumi zâna an in biakna chu a nia, Duati thil sawi chu mak a tiin chuti teh thut a Ngaia- boral chu hriatthiam har a ti hle a, ngaihțhat loh hmel tak hian a phone te chu uluk deuh hian an en leh deuh vung vung țhin a,
Chumi zân chuan mut hmunah an ngaihtuah a, Khâ picnic na a thil thleng leh a mumang te mak a ti in, Tunah lêm Ngaia- boral thû a hre zui leh ta chu ania..
Date 25, October. O7:15AM.
"Chester, Hello..i tho tawh em?''
a hmâ zána rawn be tû bawk, aw puâm nalh tak mai chuan rawn ti a.
"Tho tluk ka ni mai, Rizai ka hlîm chiah"
"Naaa...Chester, i țhâ maw"
"Aw, la țha reng e."
"Tak tak in, nizan khan i nawmsamloh hmêl êm a, mahse..ka..." a tih lai mêk chuan Chester chuan lo pawt chat in,
"Aw, Thil dang daih...Nia,hmuh che ka duh khawp mai, Vawiin lam te, enge itih dawn," a lo ti a.
Duati chuan," Damdawiin ah ka kal lawk dawn emaw ni ka tia.."
"Eng a?..tunge awm a, engtizia..." atih lai chuan Duati bawk chuan,
"Becky kha i hria em" alo ti a.
"Aw, Renthlei nû kha maw, Writing Competition a pakhatna kha"
"Aw ni e, Intangible Woman tih ziaktu kha, Lunglei ami a, a chanchin i hre tawh em"
"Engtia chanchin maw? a damloh kha maw" a tih chuan,
"Aw ni tho mai, nimin khân aizawl ah anlo phei a, Helamah an rawn in entîr a, anlo admit a ni áwm e, chu chu ania, Ramhlun a Nazareth Hoapital ah khan ania, vawiin chu ka va kan ve ang chu ka tia, lo kal ve la ani mai lawm, keipawn hmug che ka duh khawp asin, eng emaw thil pawimawh ah" tiin Duati chuan arawn chham deuh țeuh a..
"âwle, Inhnmuh kan tum dawn nia, mahse dâr sâwm vêlah ka hman thei chauh ang, "
"Ok"
Chutia an in biak zawh hnu chuan Chester chu thovin a inti fai sawk sawk a.
Dâr sâwm arîk meuh chuan Nazareth Hospital ah a awm dër tawh a.
Inhnuai kawngka bulah chuan Duati chuan alo nghâk reng tawh chu niin.Tichuan inchung lamah Becky kan tûr chuan an in zui chho ta a.
Becky chu Bike a a tlûkna avangin a hnungzângruh a ti khawlo a, chuvang chuan kumkhat dâwn mai mut hmun a chaw pêk ngaiin a awm hial a, Doctor te pawh kal leh thei tawh lo tûr anga an ngaih tawh a ni a.
mahse thla lî ngâ vel ațang khân ama tumruhna vâng liau liau in Doctor te rindân chu arawn ti danglam in, ama kê ngei mai chuan a rawn kal leh thei ta a nih kha.
Inchhûng dung ah chuan akal theiin buaipui pawh angai êm êm tawhlo, mahse chutia hmalam a pan mêk lai chuan vanduaithlâk takin Bathroom- ah a tlusual palh leh hlauh mai a, chumi Effect avang chuan Aizawl ah anlo phei ta a ni a.
Mahse chutiang êm êm a țhalo leh ngaihtuahawm alo nilova, vawikhat inhmuhna ni mahse Duati, Chester leh Becky te chu an in pawh nghal hle a, Nileng deuhthaw in hlim takin an in kãwm hial anih chu.
Chutia an inkawm ho lai chuan thãwklehkhatah thlî arawn thaw deuh vûk a, chutah Parva pakhat hian tukverh dârthlalang arawn su ri bur a, chû Parva lah chu a lû a pêr vek lehnghal a.
an phu chiang hlawm ngei mai, Becky mutna bul chiah tukverh a ni lehnghal.
Chester leh Duati phei chu an phu nasa lehzual.
Chutah Duati chuan ngaihțhat loh hmel tak hian,
"Englo ania, Chester, ka lo theihnghilh hman a, Thil pawimawh deuh hrilh che angai a..."
"Eng lampang nge.." Becky chuan alo ti deuh var a, Duati chuan,
"A...Englo ania, Picnic chungchang lam daih kha maw le..." tiin a chhang zui nghal mai a.
Chutih lai chuan Chester chu Muangchanga thovin Pârva ina a rawn sut tukverh lam ah chuan a phei a.
Pârva ina a rawn sut na lai tak dârthlalang ah chuan Pârva thisen chu tlêm a kai deuh nî nîan a.
Chutia tukverh bula a idin lai chuan Hospital thlang, kawngthlang lama Building sak lai mêk chung ah chuan hnathawk an awm laih laih a.
Chumi te hnathawk chuan a hnuai kawngpui ațangin bâlu leh Cement- hi a khai chhohna siamin thing phek kilh khawm hlai tak chu hruiin an khai chho mêk a.
An khai chhohna a sân êm avângin cu thing an khaichhoh chu a inthên nawl nawl reng a, Chester-a beng chuan chu thing inthên rî leh an khâina hrui in nêk ri chu a ri ring ngei mai. Amah ngei pawh chuan mak ati in a beng te chu an nuai deuh nawk nawk a. chu thil avang chuan angaih ațhatloh hmêl in a kalsawn pah pawh chuan a ngaihtuah zui ngut ngut a.
"Chester, Kan kal mai dawn emni"țhutna ațanga thawh pah in Duati chuan alo ti a,
"Aw...Ni e,.." Chester- chuan a chhâng buai deuh nuaih a.
"Chester, i țha maw"Becky chuan alo ti a, 'Aw' tih nan a bu deuh nghut a.
"Becky kan kal phawt ange, lo dam zêl rawh, nakin ah kanlo la tlawh leh dawn che nia" Duati chuan a ti a.
Tichuan Damdawiin chu an chhuahsan ta a, kawngpui an thlen chuan Chester chuan zawi sap hian,
"Khâ pârva kha...'' tiin kawngthlang lama an insak lai chû a en deuh vung vung a.
"Engmaw itih, Chester- i țha maw...''
a scooty tih nun pah chuan Duati chuan a lo ti a.
"Chester, Eng emaw ka hria, thil hrilh tur che ka nei ania, kan Hostel ah rawn lêng kâwi la, a pawimawh tawp ania." a tih zawm zat a.
Chester pawh chuan, "Aw le," a ti ve mai bawk a.
Duati Scooty ah chuan inphurin an chhuak zui ta nghal a.
Tluang takin an tlân a, Chanmari an thlen chuan Chester chuan Thingpui hmeh ah tiin Zote Bakery a chhang chu a lei kawi a, Duati erawh chuan pâwnah lo nghâkin a piah deuhah chuan scooty chu a lo hûng țha a.
Dâwr chhûngah chuan minute nâ pawh a awm tling lovang, a chhuah leh chuan Scooty bulah chuan Duati chu alo awmlo va, a piah deuh hlek kawngsîrah chuan phone in mî alo be mêk a,
Chutih lai tak chuan mî khâwi lai pârva rual khat hi khawilai emaw ațanga lo thlâwk chhuak in Duati awmna chung zâwn ah chuan an rawn thlâwk phei ro deuh hlup hlup a.
Chu chu Duati pawh chuan a hmu ngei mai, phone hman pah in a en deuh zuk a.
Chûng pârva thlawk te chuan kawngthlang inchung sânga hruia inkhai vaipa- bang rawng hnawih mêk chu an anva su hlawm a, an vai erawh chuan an su lo, an thlawhna lai anih vâng anih a rinawm.
Chu vâipa phu chiang lutuk chu a tla țêp a, a inkhâina chu a thên lâwp a.
Chutih lai tak chuan Chester chuan zawisap hian,
"Pârva kha... Pârva, Thing kha, Thil khaina..thil khâi na.." tiin, a chhang khâi lai chu rang tak a paihin Duati awmna lamah chuan rang tak hian a tlân phei nghal a. Duato chu a ko tuarh tuarh bawk a.
Pârva ina anrawn sut avânga vâipa rawng hnawih phu chiang lutuk chevêl chu a buai ngei mai, A dinna thingphel khâina hrui chu a vuan a, a dinna thing lah chu a in thên nulh nulh lehnghal.
Chû a inkhâina hrui chu a hmâ daih ami tawh, an hman vak tawhloh ani a, inchung lama a in khâina, a hrui kalna in chung kil a hrûtna chu a hma ațang tawh khan a lo phuai luaî tawh a.
Chutia a in thên leh phei chuan inchung kil tlâng ah chuan a in hrût nasa zual sauh a.
Thâwklehkhat ah chu a inkhaina hrui chu chat in chu vaipa chu a rawng bûr zawng zawng nen, a awmna thingphel chawp chuan arawn tla ta a. A hnuai zâwn ah tak chuan a ni Duati chuan Phone a hman mêk.
Thil ri deuh rum rum leh mîpui aû vel avang chuan Duati chuan chunglam chu a han hawi chho a.
Thingphel zawmkhâwm hlai tak mai ina arawn tlâk dâwn lai chuan a hamhai lutuk chu kalsawnna châng pawh a hre lo, ring tak hian a țê vak ringawt a.
Mahse Chester chuan rang tak hian arawn kuah sawn a, kawngpuiah chuan an let dûn tawp a.
Chutih lai tak chuan LPK Truck chak tak mai hian a rawn tlân zui lehghal.
Mipui chu an aû chêl chûl a, rawn tlân khâwm in an ri deuh luai luai hlawm a.
Chu thil thlen hun chu Minute khat pawh a tling kher lovang, Second tlêm te chhûng lekin a thleng a, a rang teh thut bawk êm a ni.
Vaipa rawn tlâ chu LPK Truck chuan a rawn chîl phei a, a taksa hmuhtlâk a awm manglo hial a.
Duati leh Chester phei chuan thawh lawk nachâng pawh an hre lo, kawngpui sîr chhaklam Side Drain bul lawk ah chuan thlaphâng leh makti tak chung chuan an la țhu sawp niaih a, an hmâ lawk a ruang râpthlâk mai chu an thlîr a, Duati phei chuan a râp lutuk a Chester-a âwmah chuan a hmâi a thukru in a la khûr zawih zawih lehnghal.
.Hetiang deuh hi thil thlen dân chû a ni.
Vâipa, Inchung sâng lam ațanga hruia thingphel kilhkhâwm a awm leh rawng hnawih chuan a hruizên, an khâi na chu a hlui leh an hman tawh vakloh chu hemi țum a râwng a hnawih hian inkhãi nan a hmang a.
Building inchung tlâng sîr kil ah chuan a inkhâi na hrui chu a in hrût reng a, tlêm a a chêt sawn deuh phei chuan a inhrût nasa in a pawr tûrh tawh a.
Chutia rawng a hnawih mêk lai chuan A rawng hnawihna Building thlang lawk inchung zâwl a pârva rualkhat tualchai lai chu a in neitute awmpui nulâ thawmhnaw sû in inchung zâwl a a thawmhnaw sûk zâr tum in a han hnawt darh a, tichuan an chhak lawk a kawngpui lamah chuan baklênga thlâwk chhovin, lungmuang taka Vâipa rawnghnawih lai chu an han su ta hlawm a.
Chu Vâipa phu nasa lutuk chu a tla țhelh a, a inkhâina hruiah chuan a in vuan tâng hrâm hrâm a, Chutia a phû zuk mai che vêl avâng chuan a awmna chu a inthên nawlh nawlh a.
A hlau thlabâr ina a awmna tih din tum a chêt a han lâk leh chuan a inkhaina hrui, inchung kil a in hrût reng chu chat in a hnuai kawngpuiah chuan a rawngbûr nên zawng zawng chuan a tla thla a.
Chutia kawngpuia a tla chiah chu Ramhlun lam ațanga LPK Truck, chak taka lo tlân chuan a chîl zui leh ta a.
Truck ke hma lam chuan a lû ah chîl in a ke hnung chuan a rawn chîl zui leh bawk a.
He Truck Driver hi ding duhlovin ala tlân tlang daih lehnghal, Vâipa hi Motor hian a chîl hneh hle a, a lû phei chu a rap pêr vek a, kawngpuiah te chuan a thluak a baw nasa in a per darh nasa kher mai.
Truck ke hnung hian a dulah a rawn chîl zui a, a nâkruh te chu a tliak nasa in a rîl phei chu kawngpui ah a in zam nuaih a...
Chester leh Duati te chu chulai a lo awm te chuan bâwihsâwm in an rawn kâitho va.
Duati phei chu ala khûrh zawih zawih avângin Scooty khalh leh thei chî zia zâng a nilo. Chester chuan muangchanga khalh in Duati chu Chester-a hnungah, Hawi pawh hawichhuak ngamlovin a țhu thei țâwk a.
Tichuan Duati te Hostel lam pan chuan an tlanchhuak leh ta a.
Chutia an chhuak ta chu Duati te Hostel, Hrawva Hostel, Vênghlui lam chu an pan ding nghal a.
Mahni pawh a a kal theihloh avângin Chester chuan kaih kuah in Duati chu a khum ah a mut tîr zui nghal a.
Duati hostel awmpui te chuan mak an tih hmêl kher mai.
Mahse thil awmzia erawh Chester- ina sawi in, Duati pawh chuan chhumbung angreng tak hian arawn sawi ve bawk a.
Bathroom lama Chester a in silfai lai chuan ațhiante chuan Duati chu lo buaipui in an lo enkawl a.
Mahse chutia nâ êm êm erawh a nilo.
Reivaklo a han mutthilh chuan a țhiante pawh chuan an kalsan hlawm a.
Chutah a rawn harh leh chuan a ziaawm tawh khawp mai.
a khum bul a lo țhu reng Chester ina tui a intîr zawh chuan,
"Chester, Thil mak tak a ni. eng emaw diklo chu a awm chiang mai..." chau tak chung hian a rawn ti chhuak a.
"Ka hria alawm, mahse chutiang ngaihtuah rih suh, mutthilh tum leh rawh, i chau lutuk ang, nakin ah kanla sawi dâwn nia"..Chester chuan alo ti a.
Duati erawh chuan thâwk hawk pah hian Chester-a kut chu a rawn chelh a.
" Chester, Tuna kan sawi angai, Ngaia pawh kha...kan picnic te kha .." zawi fahran hian arawn tichhuak leh a.
"a vûina hunah pawh ka tel ta silo va, ka inthiamlo tak tak a ni, ani lo boral kher hi chu aw .." Chester chuan a pawi tih hmel tak hian arawn ti chhuak a.
"Chester, Chester, lo țhu hnai teh, khumah khan, khumah hian lo țhu teh." Ring fahran lo hian a rawn ti leh a, Chester pawh chu Duati khumah chuan inthlahrun hmel deuh hian a țhu sawn a.
"Eng emaw hriat inei tiraw, ka hre thei, tunah hian sawi rawh, engkim hi kan picnic ațang khan a ințan ni berin ka hria." Duati chuan a rawn ti leh a.
"Ni e, a mak khawp mai, engtin chiah nge Ngai chu a thih, a thih chhan tak chu." hriatchian leh hlauhthawn hmel tak hian Chester chuan a ti a.
Harsa taka chil a lem hnu chuan,
"Englo, eng emaw chu a awm ang, Ngaia chu a dawrah thiin an chhar alawm."
"Engtin a..Thi in a..." Chester chuan phâwk deuh hian a ti a.
"Aw ni e, A dâwra Mobile chhe siam rawn training, Khawchhak lam mi tleirawl pâ sawi dan chuan, a phone repair lai kha Ngai an a zun hlân in a check nawn sak a. A dâwr chu i hria anga, Tech-Inn, ah khan a nia, Chûpa chu inchung lam Bathroom ah zung tûrin a chho a, minute ngâ pawh a tling kherlo vang.
A chhuk leh chuan Dâwr chhûnga Ngaia lo let reng chu a hmu ani âwm e, tichuan an dâwr țhenawm te aû khâwmin an han bawihsawm a, mahse a chhan hman alo ni tawhlo a ni âwm e.
A hmaiah chuan Dârthlalang kheh a bûr fur a, a mit pawh dârthlalang chuan a chhun a, Chuan phone chârna Soldering Iron- in a tukkhum ah a chhun tlang bawk." a ti zâwi sap a.
*Ni e, A hnuaia Mobile repair training mêk ina a phone chhe siam chu a tih dik theihloh avângin Ngaia hian a check sak leh a, hetia a check lai hian a naû-a chu inchunglamah zung tûrin a kal a.
A samsung phone chhia chu charge chunga siamin, a bul dawhkan ah chuan Soldering Iron chu ti sâ in a dah bawk a.
Chutia hnâi taka bih chunga uluk taka a siam lai chuan a siam lai mêk leh a charge lai phone battery chu puakin Ngaia hmai leh mitah chuan phone Glass keh chuan a per a, chutia a che buai meng theilo phar vêl chuan a bul dawhkân a Soldering Iron sâ tak mai, electric a in fit mêk chu chhuat ah a vai tla a, Chutia a tlâk rual chiah chuan amah chu tawlh tlu in chu Soldering Iron tak chu a tukkhum chuan a zu delh a, Current a in fit anih avângin current in a man zui nghal bawk a.
Phone Glass chuan a mitmu pakhat a chhun keh a, Tin, a hmâi ah chuan a Glass kehthem chu a bûr fur bawk a.
Chutah Soldering iron sa tak mai chuan a tukkhum ah chhun tlangin a mit zâwn ah tak a rawn chhun tlang a, a mitmu chu rawn vit tlangin Soldering Iron hmâwrah chuan a mitmu pakhat chu a in bûr vû lehnghal a.
Current in a man zui bawk avangin a taksa chu a hmin hneh hle a, han khawih pawh in a pilh hawk hawk thei hial lehnghal.
(CHAPTER 3).
.
"A van mak ngai ve, a vânduaina chu thil thleng thei reng ni mahse...." Chester chuan zâwi sap hian ati a.
" Enge mahse chu..Keipawn ka ti ve tho eng emaw..." Duati pawh chuan alo ti ve bawk a.
" Chu chu thudang pawh lo nise, eng emaw chu a awm niin ka hre ve tho, i thil sawi tum chu enge ni rêng rêng.."
Chester chuan a ti zui zat a.
"Chester, Englo..Kan picnic hnû aṭang khan vânduaina hi kan tâwk deuh mawlh mawlh mai niin ka hria, Vawiin a thil thleng pawh kha ka tawn vawikhatna a nilo...." ti a Duati'n a sawi lai chuan rang fahran hian Chester chuan,
" Enga, Khâtiang tawhsual kha maw...engtia..."
"Ni e, Chester, kan picnic hnû khan eng emaw tawhsual lampang emaw i tawng ve tawh em? kei chu ka vawithum tawnna a ni tawh asin, chuvang ania..."
" La tawng lo a ni maithei bawk, mahse.."
"enge mahse chu.." Duati chuan hriatchian châk hmel deuh hian alo ti a.
"Nia, Englo, Kan picnic ṭum a accident thleng kha a hma lawk khân ka lo hmu lâwk asin.." Chester chuan a ti a, Chû Chester-a thusawi chû mak a tih hmêl kher mai, a tho kâng deuh zawk lehnghal.
" Chester, Ka hrethiam, englo...iih.. Final Destination Movie khâ i en tawh em, englo, Thihna in a ṭhianho a indawt a a thahna kha..., Chester.." a thusawi lai pawh chu a sawi zo theilo, khum aṭang chuan rang deuh a thovin a veikual sek a, a buai rûk hmêl kher mai.
"Chester, i hrethiam em, kei chu ka duhlo.. ka duhlo, ka hlau ê mai.." khûr deuh hlak hlak chung hian a rawn ti chhuak leh a.
" Duati, engmah a ni hleinêm, Final Destination Movie chu ka hria alawm, Thlawhna pûak tûr laka mi pakhat in a ṭhiante a chhanchhuah kha a ni lawmni,"
" Aw, Ni e, Chester, khatiang kha..khatiang kha a ni...Chester" tûkverh bul a ding chung a a lu dawm vang vang chung hian a ti a, a hlâu chu a in hnít leh feih feih ṭhîn a.
"I sawichhuah tâk ang chuan thil ni thei pawh a ni ve tho mai, mahse khatiangte chu Movie mai mai alawm, eng a ni lovang..." Chester chuan a ti liam puat a, mahse a ngaih erawh a ṭha bîk chiahlo tih a hmêl ah chuan a lang ve tho mai.
Khum a la ṭhu chung chuan Chester chuan,
" Chhiatna lo thleng tûr ka hmuh lâwk vângin keimahni chungah a tla ang maw? a ni theilo, thil ni thei lo a ni, Siamchawp mai mai ang tûr khawp a kan nun hi ho a ni ang maw? a ni theilo ang, mahse...? a ni pawh chu a buai ve hmêl tho mai.
"Lo ni tâ se..A lo nih palh chuan engtin nge ni ang, thil ni thei leh thleng thei a ni tho...ngawi rawh, kan ngaihtuah lawk...Chester, ...Lawk aw...a van mak tak e aw..." tih pah chuan room chhûngah chuan a vei tawn sek a, a lu a dawm leh vawng vawng ṭhin a.
'' En ang, ka hria e...chhût angai.." tih pah chuan a bâg chhûng a a Laptop awm chu lâ chhuak in khumah chuan a rawn keng phei a.
"Final Destination chu a movie panga khân ka nei alawm, en chhin teh ang..." tih leh Laptop chu tihnun a rual a, tichuan Final Destination chu an en ta a, a pawimawh lai ang ang, thihna thlen dan leh an thih dân hrang hrangte chû Lehkhapuan ah a ziak chhâwng zêl a.
chutia a tih zawh hnû chuan Laptop chû Off in a ziahchhâwn ho chû uluk fahran hian a chhiar mual mual a.
"Chester, thil ni thei a ni, awihawm loh viau mahse thil thleng thei a ni tih ka chiang khawp mai." a rawn ti chhuak hlawl a.
" Engtin a...kan tawhsual tawh te kha maw..." nêr nâng chung hian Chester chuan a lo ti a.
" Ni ang chu mawle, a bul rêt aṭangin sawi teh ang, chu chu a nia thil pawimawh hrilh ka tum che chu ni" Duati chuan ati a.
Chester chuan,
" Aw.....Englo.., Aw, khatia motor a kan chuan lai khân Nûbawihi leh Ngâia te Picnic na hmun hman man man pe zo lo lêt tê, anmahni nghah pah a Muantea motor aṭanga a chhuak te leh Mâêngi hâw tûrte kha ka hmulâwk a, chutah accident- te pawh kha.." tiin kimlo fahran hian a sawi kual deuh nuaih a.
" Chuan.."
" ka rilru a buai êm avâng leh mak ka tih êm avângin kan ṭhiante khâ ka hrilh ta lo a, Aaaa.... lo sawichhuak pawh ni ila an awih kher lo ang.." a tih zawm leh a.
'' Motor aṭanga i chhuak lai kha chu ka hmu che alawm, zû i rûi emaw ka ti deuh a, khatih lai khân Swimming Pool bulah Mamuani leh Tlâitlaêngmâwii- te ho nen thlâ kan la lã a..." Duati chuan a ti a.
" Teuhlo mai, Zû hi chu ka in ngailo hrim hrim, chuan khami hnû kha chuan khatih laia ka lo sawichhuahloh vâng khan ka inthiamlo a, pawi ka tiin mak ka ti êm êm bawk a, Phone pawh ka khawih ngailo a, khâ thil kha ka ngaihtuah nasa in ka buai deuh hial alawm, chuvang ania engah mah khan ka rawn lan loh..'' pawi ti tih hriat tak mai hian Chester chuan zâwi fahran hian a rawn ti chhuak a.
" Thla hmasa khan tawhsual kan tâwh na hmasa ber a thleng a, A ni chiah mai, a lo kîr leh...aw, a dikchiah e..." a lehkhapuan ken lai a eng emaw ziah nawk nawk pah chuan Duati- chuan arawn ti chhuak a.
" Enga... Engmaw lo kîr a..." a ngaihna hriatloh hmêl deuh hian Chester chuan alo ti hû a.
.
" Chester, chîk takin lo ngâithla teh, Kan Picnic nî kha September ni 22 - a ni a. khâ nî khan chhiatna hmasa ber chu alo thlêng a, nang pawn chhiatna lo thleng tûr i hmuh lâwk kha, kan Picnic nî ni 22..
Chuan hmulâwk mahla tumah damchhuak an awmlova...nangmah tihloh chu..." an ngâwi leh det a. Chester- pawh chuan uluk fahran hian alo ngaithla ve bawk a.
" Chuan THIHNA VÂKVÊL- pawh chu a châwl ta rih ah angaih theih ang.
mahse Thihna chu a tâwp hlen lo, ngaithla chiang teh, ala tâwp lo, Ngaia- boral nî kha ni tun thla ni 22, October a ni leh chiah a nih hi. A ni zât a in ang chiah, khâ thihna kha ala tâwp lo, ni 22 a thihna ramchhuak khan ni 22 aṭang bawk in ramchhuah arawn chhunzawm leh chiah anih hi.." a tih zawm leh a.
"Chuan, Khâ Picnic nî a thi velo te kha an nunna la tûrin thihna chu a rawn kal leh itihna ni?" Chester chuan alo tih zawm a
" Ni chiah e, Thihna kan pumpelh chuan midangah a kal anga, tichuan Circle- angin thihna chu a arawn lêt leh ngei ngei ang, Vawiin ah ka thihna tûr ka pumpelh a, midangah akal anga, ka chunga rawn lêt hun ala nei tho tho ang, nang pawh..." a ti chuai raih a.
"Chu pawh lo ni se...Tute nge chungah nge a kal leh chuan ang..." hrilhhai hmel deuh hian Chester chuan alo tih zawm a.
" Kan vâiin... a thi lo zawng te hi kan ni mai.."
"Kan vai a..Engtia...."
" Picnic na a kan kal khân Writer ho te kha Siamtei Khawlhring, Ṭhuampui vêng ami in an inah lêng tûrin min sâwm kha i hria em?
Khami ṭum khan, Nutei Tuahzo Chhakchhuak, Nubawihi Hnamte, Julie Chhangte, Muantea, Sangpuia Khawlhring leh Arela Khawlhring leh Elty- te kha an boral anih kha. Chuan Maengi Ralte pawh kha boral ve tûr a ni a, mahse Hna lamah kal angaih thut avângin a hâw hma a, thihna a pumpelh a,
Chuan keini pawh kan chhuak tlãi, Sangsangi scooty chhia Ngaia ten an check sak leh a, an siam zawh hnu in kan chhuak ve chiah a, Ngaia nen a Scooty-a in phurin Sangsangi kan rawn Scooty chianglo kan rawn chhawm chho a, Park Eden pêng kan thlen khan anlo chesual hman tawh alawm, " a ti a, chutah a thil ziah sa chu bih ngur ngur chung in, muang ban chap hian,
"Maengi, Sangsangi, kei leh nang hi kan ni thihna pumpelh tu, tuna la dam te chu ." a tih zawm leh a.
Chester chuan, "Ngaia a boral a, tichuan vawiin ah nangmah i boral leh ṭêp bawk a, tunge a dawt leh ni ta ang.."
.
."Mâengi leh Sangsangi te, kan biak angai...eng emaw anlo táwk palh thei,...kan phone nghal ange..." tih leh phone lâk a rual ta nghal a.
Biak tum a a call mêk lai chuan Chester chu Bathroom lamah a phei a.
Bathroom a lût dawn chiah, kawngkhâr hawn a tum lai tak chuan thlifîm rawn thaw deuh hian a hria a, muangchang a hawi kual in ngaihṭhatloh rûkna eng emaw chu a nei chiang mai.
Tichuan Bathroom a lût ta lo chuan a piah chiah room, Hostel Kitchen lamah chuan muangchang hian a phei ta zâwk a.
Gas ah chuan Bêl hi alo inchhuang mêk a, mahse tumah an awmlo, an rawngbawltu pawh chu.
Chutihlai chuan Gas alh chu thli chhêm niawm tak hian a alh phe deuh hlap hlap a, chutah a bengah chuan thil puak ri rum rum leh mipui ṭawng ri nawk nawk thâwm hi a rawn ri zui a.
A beng chu hup in an hawi kual vel a, tukverh pâwnlam a motor tlân rî te chu a bengah chuan a rawn ri deuh tuarh tuarh hlawm a.
Chu thil chuan a lu ati haiin a pai deuh khut khut lehnghal.
"Chester"
"Chester"...
ti a âu chung hian Duati chu a rawntlân phei vat a, Chester-a tlu tûr chu rawn dawm in khum lamah chuan an in kuah phei a,
"Ka ṭha, ka ṭha..."
"Enge ni ta...Chester, Engthil nge thleng a..."
Lû la dawm vung vung chung hian, "Englo...Eng emaw chu ka hmu in ka hria...thil thleng tûr emaw pawh a ni maithei..."
"Enga"...Duati chuan a ti deuh tuarh a.
Chester chuan,
" In Kitchen a Gas alh kha thli chhêm ang deuhin a alh phe deuh hlap hlap a, chuan pawnlam motor ri leh thil puak rî te ka hre bawk..." tiin a chhang a.
"Enga...chutiang, a va han mak êm, eng emaw chu tu chungah emaw chuan a thleng dâwn chiang mai..." hlauhthawn hmel deuh hian Duati chuan a ti a, chutah kalsawn pah in a phone chu a hmet zui nghâl a.
" Duati, I phone thei em, i be thei em, Sangsangi leh Maengi chu..."
" Ka be tlang theilo vê vê, kan phone leh chhin ange..." tiin a phone chuan biak a tum lehnghal a.
.Minute sâwm vêl lai biak tum a a phone hnu chuan, " a tlang theilo, ka be tlang theilo ve ve..." mangang àw deuh a rawn ti a.
" Anih Sangsangi chu khawi vêngah nge a awm," Chester chuan alo ti a.
" Ka hre lo, Ka hre miahlo...a van pawi tak..." tiin Duati chuan a phone hmeh pah chuan chhang a.
" Anih Maengi chu, Thante-ina be tlang thei maithei asin, Thante- i chu phone leh chhin la.." Chester chuan alo ti leh a.
"Ka neilo, Thantei number ka neilo, a van buaithlak tak êm.." Duati chuan alo ti a.
"A va han buaithlak tak êm, Maengi chu a hna ah a kal ang ka ring, va kal risk ṭhuai ang, duhleh Sangsangi chu biak dan kan zawngleh dawn nia, Maengi chu hmuh va tum phawt teh ang, hmanhmawh in..." Chester chuan ati a.
Tichuan hmanhmawh takin an chhuak a.
"Chester, Maengi thawhna i hria em ni."
"Aw, hria e, Lalsangliana Petrol Pump ah, Edenthar ah niin ka hria, MVI Office chhak lawk ah khan. ."
"Scooty hi nangman khalh mai rawh, ka khalh ngamlo.." Duati chuan a ti a.
"Kal vat ang..."
Hmanhmawh takin an in phur chhuak leh ta a.
thlen vat vat duh tawh nâklaiin Traffic alo Jam- ve sek lehnghal, chuvang chuan an tlân kual nasat phah êm êm mai lehnghal a.
Bawngkawn lam aṭanga kual in chak mangkhêngin an tlân chhuk a, Duati hlauthawng chuan Chester chu fîmkhur tûrin a ti sek reng a.
Dârkâr khat dâwn hnu ah chuan Edenthar, Maruti Showroom - kawt an thleng ve ta hrâm a.
mahse chulai tak ah chuan Buhfai phur Truck a chhiat avângin kawng lai takah chuan alo ding a, Mechanic ina a siamlai chu Traffic Police pakhat hian alo vil rûn a.
Motor erawh tih tham alo ding lo. kawngsïr a scooty side pah chuan,
" ava buaithlak tak e aw..."thinrim deuh ṭûng hian Chester chuan a ti a.
An pahnih chuan Petrol Pump lamah chuan an tlân thla zui nghal a.
Petrol Pump chhak an thlen lai chuan Maengi chu Petrol lâkna bul chiah ah hian mi ṭhenkhat nen hian eng emaw sawi hian anlo ding hlawm a.
Chutah tak chuan Chester chuan thil chiang tak ahmu leh a, A ding chawt a, Duati nen hian an in kaih avangin Duati pawh chu a ding ve mai bawk a, Enge chutia a dinna chhan zawh tum chuan Chester chu an melh chho deuh hâ a.
Petrol lâk tum a motor ding ṭhup zînga Car pakhat tukverh in hawng a bân lo dah chhuakin, naupang sarih bâwr vel tûr hian Lighter changkang tak mai hia bân thên nalh nalh pah hian a ti alh zuk zuk a.
Chu chu chiang tak hian Chester chuan a zu hmu a. chutah tak chuan a hre chhuak ta, a hmâ lawk a a thil hmuh te kha... a bengah chuan a ri hriat te kha a rawn ri nawn leh tluk tluk a.
" Meialh... Thil puak ri leh motor ri te kha...a ni chiah mai, .... " záwi sap hian a ti a.
" engmaw itih...Chester..." Ngaihṭhat loh hmêl deuh hian Duati chuan a rawn ti a.
Chester chuan a hma lam la en reng chung chuan Duati kut chu nghet tak hian a hmer a.
" ka hmu tawh, Duati... a thleng dawn, thihna...."
"Chester..." Duati'n a tih vîn ṭhat chuan,
"Petrol Pump hi a puak dawn" ring fahran hian a ti vak a.
Chu veleh Duati chuan pawh chuan tlân pah in Maengi chu a ko vak a..
Mahse a tlai zo ta...
Maêngi arawn hawi rual chiah chuan Petrol Pump chu ring tak mai hian apuak dur a, a alh zuai zuai bawk a..
Chester chuan Duati chu kuah a kawng chhak lama tlan pui atum laitak chuan thil puak leh meialh avâng chuan an lêng lawp a, Chester phei chu kawngchhak lam Side Drain ah a tla lehnghal.
Thei leh theilo in Duati chu a pawm bet a.
Mahse Meialh erawh a rei em em lo.
an bul lawk ah chuan Maengi lu bung, kâng dum huam mai leh la khu vung vung chu arawn tla nawlh a.
Duati hlau leh râp lutuk chu a ṭe tuarh tuarh a, Chester-a âwm ah chuan a hmai a thukru rang kher mai.
.*Hetiang hi thil thlen dân chu a ni.
Khatia Lalsangliana Petrol Pump a Petrol la tûr khan motor an in tlar duat a, hmeichhe tleirâwl te khalh, Scooty pakhat petrol la tûr chu a Petrol thunna lai chu an herh hawng theilo va, a hnung chiah a Car ah chuan an thun hmasa ta zawk a.
Maengi hi chu Counter ah daih a awm thung a, mahse chutia tleirawlte scooty anbuaipui lai a hmuh chuan amah pawh ina scooty aneih ve tho avang leh a scooty ang tho anih avang chuan va puih ve tumin ava phei ve a, mahse a hawn theih bîkloh avangin chu scooty hnung chiah a petrol thun mêk Car khalhtu patling chu rawn chhuak ve in rawn hawn sak arawn tum a. Chutia chabi a herh hawn a tumlaia a bula lo ding Maengi chu ania chutih lai tak a Duatin a rawnkoh vak kha.
Scooty petrol thunna ringawt an buaipui avang chuan Car a petrol thun mêk tu pawh chuan Car hnung lama ṭhu naupang, Car tukverh a abân lo dahchhuak a, lighter hmeh alh zauh zauh pah a a bân vai mêk pawh chu alo hmu lo a.
Chu naupangte lighter hmeh alh chuan Petrol thun mêk chu kâng kaiin kangmei alo chhuak a, a Petrol pump pum mai chuan a kan phah hial anih chu.
Maengi chu a taksa hmuh tlak pakhat mah awmlovin a darh vek a, a lu hêk huam leh kâng ût huam mai tih loh chu.*
(CHAPTER 4)..
."Chester, a va râpthlâk em.."
Chester-a âwm a a hmai phûm chung chuan Duati chuan a ti khûr hlak hlak a.
Chester erawh chu hria âwm pawh in alanglo, Petrol Pump kâng khu hluah hluah chu che chânglo hian a thlîr reng a, an bul lawk a motor kâng khu rum rum leh hliam tuar aû ri te chu ngaihthlak hrehawm a tih hmel kher mai.
A beng chu a rawn kiu vung vung lehnghal a, Mipui te chu an thlabâr hlawm hle a, Petrol alh anih avângin chutia pâwngpaw basa ngam chi lah a ni silo, mi tlawmngai zualin a him chin aṭangin an thei ang angin anlo meialh chu anlo ṭhelh ve reng bawk a.
Chester chuan muangchangin Duati chu kaitho in an Scooty dahna lam pang ah chuan hawi hu hu chung hian a kuah chho a.
Chutih lai chuan mipui an tam tawh kher mai, Motor a Jam bawk nen, kawngpui ah chuan mipui an khat tlat tawh a.
Thei leh theilo in mipui kârah chuan in zep chhovin harsa tak chungin an scooty awmna chu an thleng thei hrâm a.
" A va pawi tak em? Maengi kha..." ṭap deuh ṭuang chung hian Duati chuan ati a.
"Kan tlai hret a ni, a mak ka ti kher mai..."
"Chester...engtin nge ni leh dawn....engtin..." sawi pawh a sawi zo theilo, a ṭap zui lehnghal hawm hawm a.
Rilru hah hmel tak a thâwk hak pah hian,
" Enge thleng leh ang...Tu chungah nge...kan...kan chungah...."
"Lalpa leh...Sangsangi....Chester, Sangsangi kan hmuh angai...kan hmuh vat...Chester..." Duati chuan inhnît feih feih chung hian a ti a.
"Ni chiah mai, Sangsangi...Khawnge...khawnge a awm ang..."
"Ka hre lo....ka hre bîk lo...mahse..engtin nge..."
"Phone teh, phone nghal teh....tunah...hmanhmawh in...." Chester chuan a ti a, a rilru buai chu a vîn âw lek lek hial lehnghal.
Duati pawh chuan rang takin a phone a phawrh vat a, Sangsangi chu phone tumin a hmet nghal a. mahse a hmanhmawh leh la khurh nasat êm avâng chuan phone chu a thlauh ṭêp a, number pawh a hmet chhuak lawk theilo.
"A tlang thei...a in ring e..." aw khûr deuh hlak hlak hian Duati chuan a ti a.
"Sangsang...Sangsang...i hre thei em...i hre thei em ..Duati..Jasper Duati...Sangsang..."
Signal a chianglo in ṭawng pawh an inhre tawn ṭha theilo, chulo ah an bul vêl a mipui bengchheng ri hut hut avâng bawk chuan Duati chu a kalsawn a.
"Sangsang..i hria em, ka ṭawng i hre thei em.."
Lehlam aṭang chuan Sangsangi chuan,
"aw hre thei e..Duati maw...enge ni ta...Duati..."
"Englo....thil hrilh che angai...thil pawimawh...kan inhmuh angai...Sangsang...khawnge...khawnge i awm tûnah.."
"Engmaw itih...i ṭawng ka hre ṭha theilo, khawnge i awm a...enge ri nuaih nuaih kha...
"Edenthar ah...Englo ania...kan in hmuh hunah ka hrilh ang che...tuna sawi theih pawh a nilo...tunah khawnge i awm..kan inhmuh angai...."
"Ka kal chhuak lawk a, Ramhlun ah ka awm mêk...enge ni ta...."
"Khawilai ramhlun...khawiah tak nge i awm..."
"Scooty ka sil tîr mêk a, Ramhlun Industry pêng bulah khan....enge ni a...engthil nge..."
"Lo kalsawn suh, lo awm char char rawh, Chester nen kanlo kal ang..."
"Tunah maw....Chester chu ka la ngei ania aw, Competition ah ka telve a phallo a ..."
"Lo awm rawh, lo kalsawn suh...kanlo kal nghal..." tihleh Duati chuan phone dah a rual a, Chester-a awmna lamah chuan a phei zui nghal a.
Khatia Duati'n phone a hman a a kalsawn lai khan a hmâ a Buhfai phur Truck chhia kawnglai a ding mêk khan siam zo tawh emaw ni tlanchhuah tum
in Driver chuan a tinung ri hluah hluah a.
An bul lawk a nih avang chuan a bengchheng kher mai. Chester-a beng ah phei chuan a ri rum rum a, mipui ṭawng thâwm leh an bula motor lo tlân thâwm te chu a beng kawrawng chhungah chuan an lût ta vek mai emaw tih tûr hian a ri tuarh tuarh a. Chester-a mangang chuan a beng a hup vak ringawt a.
"Chester, Chester...enge ni ta.."
a phone hmang zo chu a rawnphei chiah a.
"Englo...He motor hi mawle..." tih pah chuan an bul lawk a Truck start ri hluah hluah chu a melh zauh a.
"Enge..engtin...engtin maw...''
" ka hrethiamlo,...ka...ka..."
"Hmuh inei leh emni .." ngaihṭhatloh hmel deuh hian Duati chuan zawi sap hian a ti leh a.
.
"Neilo...mahse..eng emaw chu thleng dawnin ka hria..."
"Eng lampang..eng chuu...Chester, kan chhuah vat angai...Sangsangi chu Ramhlunah a awm..."
"Ramhlun ah a..."
"Aw, Ramhlun ah, Industry Pêng bulaj khan a Scooty a a sil tîr a...lo kal sawn suh kanlo kal ang ka tia...khalh leh mai rawh Scooty hi...kal ang, kan hmanhmawh angai..." a ti a.
Tichuan Hmanhmawh deuhin Scooty chu Chester chuan ti nungin an tlan chhuak zui nghal a, Bawngkawn lam aṭanga kal tumin mipui kâr ah chuan an in hnawh chho zui leh ta a.
Ramhlun an thlen phei chuan tlailam dâr lî(4) a ri thuak tawh mai.
Industry Pêng thlen hmâ deuh kawngchhak lama Motor silna hmunah chuan Sangsangi chu alo awm ngei a.
Anni pahnih pawh chuan Sangsangi chu zawngin an mit an lên ruai a, an hmuh veleh a bula tlân chhovin Duati chuan thaw deuh hlawp hlawp chung hian,
"Sangsang..."
Mak atih hmel angreng kher mai Sangsangi chuan,
"Enge ni a...in pahnih hnih aa...."
a Scooty erawh anlo silzo tawh a, nghah ro pah in eichawp dâwr kawt sîr ah hian Sangsangi chu alo ṭhu a.
"Englo...thil pawimawh lutuk hrilh che angai .."
Ner nûng nûng pah hian Sangsangi chuan,
"Chutiang thil pawimawh te chu ka hriat a ṭul ami, Competition ah pawh ka telve in phallo lehnghal a..."tiin Chester-a melh pah chung hian a ti leh a.
"Naaa....A hunlo emai a, ...khatiangte chu..Competition te chu thû la ziak ngailo te tan alawm, nangte chuan i ziah ṭeuh tawh kha..." tiin Chester chuan a chhâng a.
"Chutiang hun ani lo, Ngaithla teh Sangsang, Kan Picnic kha ila hria em..." ti a Duati chuan zawt in, a bulah chuan a ṭhu zui nghal bawk a.
Chester erawh an bulah chuan ala ding reng a.
"Hria e..." titau deuh bûr chung hian Sangsangi chuan alo ti a.
"Uluk deuhin lo ngaithla teh, thil mak lutuk mai athleng mêk ania..."
"Eng a...eng thil mak maw..Competition a min tel tir duhlo kha amak daih zawk..." tiin Sangsangi chuan ala chhâng zui hrâm a.
Chester erawh chuan alo ning hman ani chêk ang chu, Sangsangi dâr ve ve ah chuan an sâwi deuh nawk nawk a.
"Titau reng mai, lo ngaithla rawh...naupang chhia thei lutuk mai....Thihna chungchang anih hi kan sawi...." Chester chuan ati ta ngawt a.
A ṭawng ring êm avangin an bul vêl a dâwr nghâk leh mî veivâk te chuan anlo en hrek hrek hlawm a.
Chu chu hria in Chester pawh a zah hmel angreng khawp mai, an bulah chuan a ṭhu ve ta daih a.
Sangsangi bawk chuan,
" enge ni a...Enge thil pawimawh chu sawi ta rêng che u, ka hmanhmawh ania, haw vat ka duh..." ring fahranlo hian arawn ti a.
Chutah Chester chuan Duati chu an melh zauh a.
"En teh, Sangsang...Kan ti zo ṭep tawh, Chester, nang leh kei chauh kan ni tawh ania, midang ho chu an boral vek tawh..." tiin Duati chuan a sawi ta a.
Chutah sawizawm leh in,
" Kan Picnic nî khan Maengi, Ngaia, Chester, nang leh kei chauh hi Siamtei te ina kal tûr zïngah khan damchhuak kan awm a, mahse Ngaia erawh tûn kâr lawk khan a boral anih kha....chuan vawiin ah ka thihna tûr ngei ngei ah Chester-an min chhan chhuak a, chuan tunah lawk khan Maengi pawh a boral asin, kanlo thleng chho chiah anih hi, a hnathawhna ah kan zu kal a, mahse kan thlen hma in Petrol Pump a puak a...." a ti zâwi deuh sap a.
"Maêngi maw....awi ka ring theilo, Maêngi a thi a maw...awi awi leh...
" Sangsangi chuan mak atih hmel kher mai,
.
" A tîr khan Chester hian engkim khâ lo sawichhuak selang chuan thil a in thlâk danglam vek tûr hi a ni a..."Duati chuan a ti chuai raih a.
"Engmaw...enge a awmzia..." angaihna hriatloh hmêl deuh hian Sangsangi chuan a rawn ti a.
"Ka hmû alawm, engkim thil thlen dân tur kha ka hmu lawk vek alawm..." Chester-an a tih chuan awihloh hmel zet hian Sangsangi chuan,
"Hmu lâwk a, engmaw i hmuh lâwk a.." a rawn ti zui zat a.
"Engkim picnic na a tawhsual tawh tûr te kha a hmâ in Chester hian alo hmû lawk vek alawm, chu chu a nia...."Duati'n a a rawn tih chuan,
"Chuan" Sangsangi chuan a rawn tihzawm leh a.
" Sangsang, i awihlo pawh a ni thei a, mahse thudik tak vek a ni, Khâ picnic na a accident tûr kha a hma lawk khan mumang nge mitthla emaw in ka hmu lâwk a, chuan maêngi pawh a ni ang chu..."tiin Chester chuan a chhang a.
" Hmulâwk a...Final Destination movie ang khân maw, a va lem ve, i ãt vâng mai mai anih chu, khatiang siamchawp movie ang a a taka lo thlen tîr tum kha a, i ngaihbel vâng mai mai anih chu, Rilru Doctor in entîr rawh u,..." Sangsangi chuan a ti ta chiam a.
Chutia ṭawng pah chuan a tho zui nghal bawk a.
"La ṭhu rih teh, Sangsang, Final Destination ang kha ni e,... khatiang khân kan chungah a thleng tak tak ania.." tiin Duati chuan ngênngâwl ang reng deuh hian a han chhâng/ hrilh a.
Mahse Sangsangi erawh chuan a ngaithla zui tawhlo, a Scooty awmna lam chu pan in a tinung zui nghal a.
Duati chuan ûmzuiin,
"Ngaithla rawh, kan thusawi hi thudik tak vek a ni, chuvangin engkim hi i hriatthiam angai, kan sawiho angai ania.." ava ti leh a.
Sangsangi erawh chuan a ngaithla lo reng reng, Chester-a lam hawi pah hian,
" Chester, i â let dêr tawh a nih kha, i in chhiar nasa leh lutuk a, i thluak a buai zo tawh..Final Destination ang mai khân kan thih hun tûr i hre thei a maw, picnic na a accident kha i hmu lawk a, Maengi thih tûr thu pawh...i va ropui âwm ve... tunge maengi dawt ah chuan thi leh dâwn a, sawi ta che, keimah nge Duati, nge nangmah zawk..." a rawn ti leh chiam a, sawi pawh a sawi zawh hma chuan an awmna kawngsîr chhaklam aṭang chuan a tlan chhuak zui ta nghal a.
Mahse a rang kher mai, chutia kawngchhak lama ding motor leh motor inkâr aṭanga a tlân chhuak chiah chu a ri bûr a, Duati chu a ṭe nghal tuarh bawk a. Rang tak hian Duati chu Chester chuan a zu kuah vat a.
* Kawngpui sîr kawngchhak lam ah Sangsangi te hi an awm a, An bul mai, kawngsîr ah chuan Car leh Scorpio pakhat hi an ding dûn ve bawk a, hemi motor te hi Motor silna a an sil ve tho, an sil zawh tawh leh an nghah ro mêk an ni a.
He Car leh Scorpio inkar aṭang hian engmah ngaihtuahlo leh la ṭawng zawt zawt chung in Sangsangi kha a in zep chhuak kha a ni a.
Mahse chutia kawngpui a a zu lang thut kha 407 tuiphur, Bawngkawn lam aṭanga chak tak a lo tlân khan a su lêng lawp a. chu tah ala chîl hrual zui lehnghal a. 407 chu ding nghal mahse anih tûr ang ang a ni zo hman tawh tho si.
Sangsangi Scooty chu a chhe hneh hle a, lâk tlak pakhat mah a awmlo.
Sangsangi chu a sutna avang khan a kawng ruh atliak rawp a, a kawng a chin hnuai lam chu zangthal mahse chunglam erawh a zangthal hû mai.
Motor ke khân a lu ah a chil a vangina lu chu a pêr vek a, thisen chu kawngpui ah a baw nuaih a, a ruh te pawh tliak lo lai a awm manglo hial ang. a ngal leh a kiu ruh te chu a tliak chiangin an lawr vûn hlawm a...dam chhuak leh thei chi zia zâng a ni lo.*
(CHAPTER 5).
.Chû accident râpthlâk tak mai avâng chuan mipui an pungkhâwm chak kher mai.
Duati ṭap leh tâl vel chu Chester chuan theihpatâwp hian a pawm bet a.
"Chester...ka duhlo, ka duh theilo...Chester...ka duhtheilo...." ti chung hian Duati chu a ṭap hawm hawm a.
Sângsângi su tu 407- Driver leh Handyman pawh chu an fel khawp mai, an inthiamlo in mi ṭhenkhat ina kutthlak an tum pawh chuan engmah an sawibuailo.
Mahse a puitling zâwk leh chu lai vêng YMA hruaitu lamte an awm hnai hlauh a, kut erawh nasâ in an in thlâk hmanlo hlauh zâwk a.
A piah lawk Industry Pêng Traffic Point a duty Traffic Police te pawh an rawn thleng chawpchilh ve nghâl a, tichuan an nin Police Station lamte an hrilh nghâl zung zung bawk a.
Chutianga an buai vêl lai chuan Chester erawh chuan Duati chu hruai sawn in mî dâwr bul kawngsîr ah ṭhuthmun an rem daih a.
"Chester, a va mak ngai ve, ka hlau lutuk, ka duh theilo, Chester...engkim hi a diklo, ka hlau, ka hlau vek tawh..." Chester-a âwm a bei chung chuan in hnît deuh hlawp hlawp chung hian a ti a, a hlauhthâwn na avang chuan ṭawng pawh a ṭawng chhuak ṭha hlei theilo, a âw te pawh chu a khûr deuh dar dar a.
Chutiang chuan chulai kawngsîr ah chuan rei fê chhûng chu an awm reng a, Police lamte anlo thlen a ruang leh motor te an rawn lâk fel hnû, mipui te pawh an kal darh tawh hnû thleng chuan an awm reng a.
Chutia lungchhe tak a chulai hmun a an awm reng avang chuan mi ṭhenkhat vei vâk te pawh chuan mak an tih hmêl in an rawn thlîr leh deuh hû hû ṭhin bawk a.
Chumi avang chuan Chester chuan zaidam tak hian,
"Duati, kan kal mai dawn emni, khua pawh a thim ṭêp tawh a nia." tiin hâw a rawt a.
"Aw..Chester, ..minlo thlah rawh aw... keimah chuan ka haw ngamlo, ka hlau, ka buai..engkim hi...ka..ka...." a ṭawng chhuak te chu hriat a har in ala khûr deuh dar dar reng a.
'' aw le, lo kal rawh, tho ila, i ṭhiante pawhin an ngaihtuah tawh lutuk ang che, hahdam i mamawh..."
Duat tak hian Chester chuan Duati hmai a a mittui luanna te chu hrûk fai sak in a sam te pawh chu dîm tak hian a chûl mâm sak a.
"Lo kal rawh le, khawthim hma a kan thlen loh chuan a buaithlâk ang..nghet deuh khân min vuan ang che..." tih pah in Chester chuan Scooty chu a ti nung zui nghal a.
"Fîmkhur rawh aw, Chester...khalh chak lo ang che aw.." zâwi sap hian Duati chuan a ti a, Scooty ah chuan lâwn in nghet tak hian Chester chu a kuah a, Chester-a hnung ah chuan a bei thlawp a.
An tlán chhuah hnu pawh chuan Duati chu ala hlauthâwng a ni ngei ang, a khât tâwk in, " Khalh chak suh aw, Fîmkhur ang che aw..." a ti deuh sek reng a.
Chutiang reng reng chuan muangchang leh fîmkhur tak chung chuan Duati- i te Hostel, Vênghlui chu an thleng thei ve hrâm hrâm a.
An tlân muang bawk a, Hostel an thlen meuh chuan khua a thim chiang tawh kher mai, dârkâr khat chuang lai kawngah chuan an thang a nih chu.
.Rin ang ngei chuan A Hostel awmpui te chuan Duati chu anlo ngaihtuah in Dinner- ei hun pawh a ala hâw loh avang leh a phone a pick up theihloh avâng chuan anlo buai angreng hlê a.
An thleng thâwm an hriat veleh kawt ah an rawn tlanchhuak hlawm a, an Warden- pawh a bâng bîk chuanglo.
Chhûn lama thil thleng an hriat ang ang kha an Warden- in a hriat ve tho avângin alo thinrim lêm lo, thinrim ahnêk in a buai buai ah alo ṭang zâwk za mah a, a fel khawp mai.
A ṭhiante chuan inchhûng lama Duati- an kuah luh hnû chuan Chester chuan phone in a ṭhianpa Muana chu amah hruai tûrin a phone zui nghal a.
phone a hman zawh hnu chuan inchhûng lamah chuan a lût ve mai a, mahse Duati - ṭhiante bâk ah an Warden- pawh chu alo fel in alo hrethiam khawp a, Thingpui te lumin a in thlahrun loh nan Chester- chu an titi pui nual a.
Duati- erawh biak theih pawh a nilo, khumah a mu hlûn a, a khua a sik avâng leh a chauh êm avangin men pawh a meng peih lova.
Duati khum bul ah, a room ah chuan an vai chuan an awm deuh ṭhap a, Thingpui te in pah in Chester chuan thil thlen dân hrang hrang te chu a sawi hlawm a, mahse amah chu thil thleng tûr hmulâwk tu anih thu erawh a sawi tel lo.
Dârkâr chanve vêl lai chutia an ṭhut ho hnu chuan Duati ṭhiante pawh chu lehkhazir tûr leh eng eng emaw ti tûrin an chhuak bo zo hlawm a.
Chutih lai chuan Chester-a phone chu a ri a.
"Hello,"
"Aw, Chester, Muana...Ka lo thleng tawh a nia, engtin nge....pawnah ka awm..."
"Aw, ka lo kal a ni mai, lo awm rawh..."
Warden chuan, "Tunge ni a.." alo ti var a.
'' ka ṭhianpa maw le, Minlo hruai tûrin ka ti a..."
"ala hmâ alawm, ka zu ko ange, khua avawt si,.."
" ngailo ang, ..kan kal mai zawk ang..."
ti a Chester- ina a hnial pawh chuan a tho thurh a, room chhuahsan pah hian,
" kan ko ang e, alo kalna a hlat âwm âwm nen..." a ti a, a chhuak zui ta daih a.
Warden chhuah hnu chuan Duati khum tlâng a Chester-a chu ṭhû in, Duati muhil chu khawngaih thlâ la deuh hian a thlîr vawng vawng a.
'' A pawi hle mai, Nang tal chuan engmah tâwk tawhlo hrâm ang che, ilo in enkawl ṭha zêl dâwn nia, fîmkhûr tak zêl in..." Chester chuan zâwi sap hian a ti a. Chutah puan sin ṭhat tîr in Duati chal ah chuan dîm tak in a fâwp zauh a.
"Mangṭhâ phawt le..." tiin, pindan chu a chhuahsan ve leh ta a.
Pâwnah chuan Warden leh Muana chu eng emaw sawi hian anlo ding dûn a.
Warden- ina la awm rih tûr a a sâwmna ngênngâwl tak chu inthlahrung tak a hnial in Muana Scooty lo ken chuan an in phur chhuak zui ta a.....
( Hemi zâwng hi Chester Ralte ina a thih hma a a thuziah hnuhnûn ber chu a ni a, Chester nen hian hna lampanga inkawp deuh chawt kan nih avângin engkim a engkim hi kan in hrilh tawn a ni ber a. Mahse he thil mak tak mai a tawn erawh hi chu a sawi lo khawp mai.
Picnic na ah khan kan pahnih in kan kal dûn a, kha ta ṭang khan a mizia hi hmuh theih in a danglam a tih theih hial ang, a tîr lama ka sawi ang khi a ni deuh ber.
Mahse nitin a hnathawk dûn na na na chuan eng eng emaw, a thil tawn te chu chhumbung deuh deuh in ka hre nêl nûal tho mai.
Khi ṭhu a ziah khi Duati- te Hostel a a awm ka zu hruai zân thleng chauh kha a ni a, Chumi hnu lama thil thleng erawh engmah a ziak tel ta silo a, a hman lo pawh a ni ta vê ang.
Engkim hre kîlh kêlh lo mah ila, Eng thil chiah nge a hnu lamah lo thleng a, Engtin nge a amah hi a boral tih te erawh chu tlêm a zâwng chu hriat ka nei nâ in, ka hre chiang êm êm bîk hauh lo a. Mahse ka hriat dân ang ang erawh chu a felfai thei ang ber a sawi kan tum ange...
* DATE : 22.12.2017...
Hostel aṭanga Chester ka zu hruai hnû aṭang khân Chester leh Duati chungah erawh thil duhawmlo emaw, engmah a thleng zui leh ta lo vang vang a.
Thihna thlarau vâkvêl chuan a Ramchhuah chu a chawlhsan a nihloh pawh in a bânsan a ni ta hial ve ang.
Chester chu khami chhiatna râpthlâk tak tak an tawh hnu aṭang khan a buai deuh nuaih reng mai in a hriat a. mahse hna lamah erawh chutiang a ni leh hauh silo.
.Khâ hun thlen aṭanga chawlhkâr khat emaw vêl hnu ah chuan chanchin duhawmlo leh thil thleng duhawmlo engmah a thlen zuiloh vâng pawh a ni ang, Chester pawh chu a pangngai leh ta viau a.
Mahse ka la hriatreng chu Christmas dâwn hnaih khân amah nen anmahni Car- in kan bazâr a, min bazâr pui a ni zâwk mah âwm e.
..Chutia kan bazâr pah chuan Picnic nî a Chester-a phone thlauhchhiat chu Bazar Bûngkawn, Saron vêng chhukna pêng bulah chuan kan siam tîr nghal a, tlai lama siam zawh hman an in beisei avângin Bazâr hâw pah a lam tûrin kan in bia a.
Tichuan nilêng a kan bazâr hnû, hâw kan tintuah mêk lai chuan Chester chu Duati'n a rawn phone a.
Engmah buaina an tawhloh vâng pawh a ni ang, khatia Duati te Hostel aṭanga ka zu hruai hnulam ah erawh an in biak ka la hre leh lo, tûn ami tihloh chu.
An in bia chu an hlimdun hmêl kher mai, phone a dah hnu chuan nui var var chung hian Chester chuan,
" ka lo theihnghilh daih a, Duati kha'n Lunglei ah Christmas ka hmang dâwn a ti a. Vawiin tlâiah hâw phei a tum a, kan zu hruai dâwn ami," a ti a.
Engin nge hâw a tum ti a ka zawh chuan,
"Sumo in, Millenium Center - bul aṭangin a niang..." tiin min chhang a.
Tichuan kan hman tawh tho bawk a tiin Duati te Hostel awmna, Venghlui lamah chuan kan chhuak zui ta nghal a.
Kan thlen chuan Duati chu chhuah inpeih at hian alo awm tawh a, a ṭhian ṭhenkhat, a Hostel awmpui te pawh chu anlo inpu chhuak mêk hlawm bawk a.
Chutia kan han thleng chu an pahnih chuan an lâwm hmêl kher mai, hlim takin an in kuah vawng vawng a. Chanchin eng eng emaw te sawi a rei vaklo kan ṭhut khawmuan hnu chuan Duati Air bag leh Suitcase te chu Motor ah hlâng in kan pathum chuan kanlo chhuak ho a.
Kan titi nasat em avang leh sawi tûr an ngah dun em avang chuan kan phone siam tîr pawh chu kan theinghilh ṭêp lehnghal.
Kawngsîr remlo tak ah Chester chuan motor chu a hûng a, Bazâr Bûngkâwn kawng kual lai tak leh Christmas bazâr motor tam lai anih avângin Traffic Duty chuan min la rawn hâu zui lehnghal.
Chester- pawh chuan thuawih takin Duty thusawi chu zâwmin a motor chu tinungin tlân zui leh mai a tum a, mahse kan hmâ chiah ah hian LPK Truck, Rod phur ṭeuh a rawn ding a, Traffic lah chu ala Jam chawpchilh zui lehnghal a.
Chumi denchhen chuan Traffic duty hnenah chuan kan harsatna te sawiin, kan awmna piahlawk a phone kan siamtîr thû te leh tlailama lam kan tum thû te, Durtlâng daih a awm kan nih thû te nen lam chuan ka sawi ta nghek a, a ni pawh chuan min hrethiam ani teh chêk ang chu, bung deuh hian,
"Reilo la.." a ti a, a kalsawn zui lehnghal ta daih a.
Chu veleh keipawh chu ka chhuak nghal a, ka phone lah a la rawn ri zui lehnghal.
Kawng kân pah chuan ka phone chu ka pick up a, ka nû alo la ni zui.
Rei pawh a nilo, phone hmang chung a mí dâwr kawt a din pah chuan kan motor lam chu ka zu hawi a.
Mahse an ṭawng ri erawh ka hre theilo, Chester chuan zaizir hian eng emaw ni hi a sawi a, Duati lah chuan ngaihṭhat loh hmel deuh hian Chester chu alo en hâ bawk a.
Chuta Chester-a ṭawng ri chu hre lo mah ila, a hmui phun aṭang chuan,
" Ala tâwp lo, ka hmû..Ala tâwp lo..." a ti niin ka hria. Chutah eng emaw ri deuh ṭhawt hi ka hre zui nghâl a.
AR.Ground lam aṭang hian chak tak mai hian Bolero- dum hi mumal lo zet hian a rawn tlân phei a, a khalh tu pa lah chu a la naupan hmêl êm êm mai lehnghal. Kum ala tling lo hial ang.
Chumi ka hmuh rual chuan manganna in ka khat nghâl a, Rang tak hian Chester-a te lam chu ka hawi nghal vat a. anni pawh chuan anlo hmu ve tho a ni tehchêk ang chu.
An phîlî buai hmêl in Chester chuan motor kawngkhar chu hawn alo tum mêk a.
Mahse a hawng hman ta lo.
Bolero- chuan Chester te chuanna motor chû na tak a rawn sû in An motor chu hmalamah a dawk phei zawk a.
Thil ri chuaih leh mihring ṭê thâwmin a zui nghal a.Kei phei chuan ka en ngamlo a, ka hmai hup in ka tlu palh ṭhelh lehnghal.
En pawh ka en lawk ngam lo, khatiang thil thleng khan min ṭhâwn êm avangin ka mit deuh sulh in ka hria.
Mipui ina an bâwr tâk chiam hnu chuan hmanhmawh tak leh ṭê tengtung chung hian ka zu tlân thla a. ka thil hmuh chuan min râp kher mai.
Khatia Bolero- ina Chester-a te chuanna Car- a rawn sut khân hmalamah Chester-a te motor chu a dawk phei zawk a, an hmâ chiah a LPK Truck, Iron Rod- sei tak tak phur lawr vûn mai chu chilh hnan in, Rod chuan Chester leh Duati- taksa chu an chhun tlang a.
Chester chu a lû hmuh tlak a awmlo, Rod hmawr ṭawn khâwm phirsi lai chu a lû chuan a zu tauh a, a ṭawn khawm bawr khat tawp chuan phirsi sung hian alu chu a chhun tlang a, a taksa pawh chu Rod chuan a chhun tlang nasa kher mai.
Duati pawh a bâng biklo, A nghawng ruh chu a tliak chiang kher mai, a hmai chuan hnunglam a hawi daih a, Rod chuan a tukkhum ah chhun in a ka aha rawn tlang a. ani pawh a taksa chu Rod chuan a chhun tlang fur bawk a. a bân dinglam, a kiu ruh chu a tliak chiang in a taksa a rawn tâwn tlang a, a lawr vûn lehnghal.
Chawplehchilh in an boral nghal a, kei phei chuan ka buaipui lo, buaipui thei pawh ka nilo, keimah zawk chu buaipui ngaiin ka awm hial a nih kha.*
.....Hun aliam a, ala liam zel bawk ang, mahse engtik ah mah ka ṭhianpa Chester-a thil tawn mak tak hi ka theihnghilh theih ka in ring lo, A tîr rêt aṭanga a thil tawn ang kha kei hian lo tawng ve ni ta ila, a dam chen ang kha ka dam zawh pawh ka ringlo, ka dam ta anih pawhin rilru buaina emaw chu ka neih hial ka ring ṭhin.
He thû hi tuman an awih ka ringlo a, kei ngei pawh in ka ṭhianpa thil tawn leh ka hriatve thil anih vang chauh in ka awih a ni a. Chuvangin thil awihawmloh tak ah in ngai anih pawh in in thû ni se.
Chuan, He Thil mak tak mai aṭanga ka hriatchhuah mak ka tih leh ka rilru tibuai tu chu, Kha chhiatna hmasa ber kha kan Picnic ni, Ni 22.September- a ṭangin a in ṭan a, chumi hnu ah reh leh vang vangin, October ni 22- ah Ngaia boral in, a in chhunzawm chho a, tichuan eng emaw chen a reh vang vang hnu in, a hnu fê December ni 22- ah a rawn thleng leh a nih kha.)
..
...END...
Comments
Post a Comment