Chutianga tleirawl khawngaihthlak tak mai Penelope-in lungchhe tak maia a chanchin a han sawi zawh meuh chuan kâwl alo êng țan deuh der tawh a, nula i hnenah chuan,
" i tawrhna zawng zawng chu mihring tan chuan a rapthlak hle mai, ka theih tawp in ka țanpui ang che, ka tiam a che.
hei khua pawh avar dawn tawh e, reilo te tal i mutthilh angai ani, han chawlh hahdam la, tukțhuan ei zawh ah min pui thei tur kan zawng dawn nia " tiin a thlamuan a.
Nula i chu mut țhat tir in, ani chu a tho va, zan lam a a meituah chu ti tuah țha leh in, sangha rep te chu an ti lum leh a, chumi hnu chuan lui lam ah intifai tur in aliam zui leh nghal a.
Bûk a akîr leh chuan nula i pawh chu lo tho tawh in puan asin hlun a, meilum bula lo țhut pah hian sangha alo ei niap niap a,
lo nuih ver ver pah chuan,
" i sangha man chu a tui khawp mai, kha han ei ve teh " alo ti a.
" nangmah khan ei teuh rawh, i taksa ala chak lo nasa mai si a, kei chu i thawh hma khan ka ei tawh alawm "
A bula thut pah chuan, " vawiin chu kan kal chhuah angai ani, min pui thei tur kan zawn angai, nizan hmasa ah thla abial tawh a, chuvangin thla bial leh hma a i natna hi kan tihdam angai ani "
" anih chuan, min pui thei tur chu i hria emni, khawilai a awm nge? " hlim hmel tak hian Penelope-i chuan alo ti a.
Marcus- chuan," ka tum dan chuan nangmah dâwi tu che hi a chak in dawithiam ropui leh thiltithei tak ani si a, chuvang in henglai hnai a dawithiam ho hian a dawi hi an sut thei kher lo ang a, thei pawh lo ni ta se, an sut duh kher lo ang, a chhan chu a dawi tu che hi an hlau ve tho ang, chuvangin dawithiam ropui ber a an sawi thin awmna Mount Hepnos lam ah kan kal mai angaih hmel ani " a ti a. Phâwk hrâ hian Penelope- chuan,
" chu chu Cyclops (mi lian an ni a,mit pakhat chauh nei. CR) ho ram kha ani lawm ni " alo ti var a.
" ni thin e, mahse tunah chuan ani tawh lo, tun hma kum zaruk liam ta ah khan, Druids ho hnam chi peng pakhat, tuipui thlipui ina a nuai hrep, kawng an bo avanga an ram a lo chuangkai, Healer ho lawng tamtak an tih chhiat sak a, nunau sang tam tak an thah sak avangin, Druids ho in phuba an la a, Cyclops- hnam zawng zawng an that chimit tep a, Lei ti nghing tu, Tuipui Pathian Poseidon-an ngaihdam dil sak lo phei se chuan an that chimit vek ang chu, mahse an chenna tak Mount Hepnos chu an luahsak ta tho a, chuvangin a thlang ram, phaizawl ah Cyclops- ho chu an chen phah ta ani " Marcus- chuan a ti a.
Thâwk hak pah hian Penelope- chuan,
"Aw...min pui thei hlauh se ka van ti tak em " ring fahran lo hian alo ti a.
" Pathian ten min pui ang a, kan va zawn hmuh vat chu ka ring ani "....
Tichuan nula i hliam te chu silfai sak in, atuam țhat sak leh a, duat taka pawm in a sakawr chung ah chuan a hlang a, ahnungah lawn kai ve nghal in, an la hriat ngaihloh ram lam pan chuan an liam ta hnak hnak a.
An hmanhmawh em avangin chawlh pawh an chawl mang lo, ni thum leh zan thum lai ramhnuai ah an kal hnu chuan, an chauh tawngkhawng tawh hlawm em avang in, zan riak tur in ni tlak dawn suar suar ah chuan, chawpchilh tak in riahbuk an sual ta nge nge a, nula i chu sakawr atanga hlang thla in, thing bul ngheng in athut mut tir a, puan lum a sintir hnu chuan hmanhmawh tak in thing tuah zawng in aliam leh nghal a,
chutia thingtuah lak tum a akal chuan Sih pakhat hi ava pawh ta hlawl a, chutia tui thianghlim hmu ta chu in tum chuan hlim tak hian ava pan hnai a, dâwt tum a a kun hniam lai chuan a piah lawk hnim chu a rawn ri phei deuh sung sung a, rang tak a in sa seng nghal in, thing bul phen atang chuan an en thla dak dak a, ri chu alo hnai zel a, Ni chu la tla lo mahse, chu ngaw chhung chu athim khup tho mai, alo lang ta, a mit vai chu ani silo, sazuk pachal lian deuh mai hi alo chhuak hlawl mai a, aki hreu te chu a mawi in, a ropui hle a, a hnar a len ruai ruai hnu chuan, thlamuang tak hian tui chu a dâwt ta khawlh khawlh a.
Tichuan thawm dim tak a hnunglama tawlh hret hret in, thawm hriat phak loh deuh vel athlen chuan thing lian deuh,
hlam chen vel a sei pathum hi asuih zum a, luite lam pan chuan thawm dim fahran hian a phei leh ta them them a.
Sazuk awmna lam a kual in, thingphen atang chuan an bih leh dak dak a, thlamuang tak a lui kam a theirah tla a ei lai chuan thâwm dim tak hian a pan phei dêm dêm a, mahsela a in rin hma in sazuk chuan arim ah alo hria aniang chu, arawn lehhawi a, arin loh deuh mihring ahmu ta chu aphu chiang ve ngang aniang, aphit dawt a, atlan ta phut mai a, ani pawh chu inring țha hman bik lo chuan, a hmawlh suih zum chuan rem leh rem lovin an pawngpaw khawh ve tawp a, a țhelh chiang ngei mai, mahse vanneih asiam in inring lo leh tlan phut anih avang in thui pawh atlan hman lo, hlam sawm bawr vel chauh atlan hman tih chuan aki chu hrui zam ah atang hlauh mai a, tal chhuah tum a abeih nasat leh atang nghet ting mai si, chumi ahmuh veleh hmanhmawh bakleng a umzui in, a fei siam chuan ava khawh hlum ta a, tichuan a sa țha lai lai chu la sawk sawk in, an chawlhna lam chu hlim takin apan leh ta hnak hnak a.
Tichuan athlen veleh mei chu tuahin, a sa hawn chu an hem sawk sawk a, chuan hlim tak leh puar tak a an ei hnu chuan mumang ram a cheng tur in an mu ta a.
Chutia tui tak a an mut lai chuan, enge maw ni hian a muhil tui lai chu ati harh zawk a, nula i chu an melh a, mahse ani chu alo la mutui hle si a, thawm chu a rawn awm leh a, an hawi kual a, an sir lawk hnim chu a lo che leh laih a, tichuan a lukham a a chem chu la in dim tak hian a tho țual țual a, mahse chutia a thawh kãn veleh chuan thawm chu a reh leh daih a, mahsela reilo te hnu ah rawn awm leh in inthiar fihlim ni awm tak in hnim che chu ahla ta telh telh thung a, chu veleh hmanhmawh tak in thawm lo chhuahna lam ah chuan a tlan phei ve ta a, thui fe a um hnu chuan a hma a sazuk a khawh hlumna lai kha athleng phei leh der tawh a, mahse engmah a hmu si lo, thawm lah chu a bo pil hmak a, rei fe a zawn kual hnu chuan, hnunglam atang hian hmeichhe aw hian zawite hian a rawn ko a, an lehhawi nak chuan a hnung ah chuan nula, tleirawl la naupan hmel tak kawrfual var ha hi alo ding reng a, ala nuih sen sen zui leh nghal, a eng deuh phût a, a bulah chuan rannung te reuh te te hi an thlawk kual sep sep bawk a, makti a a en reng lai chuan chu nula chuan,
" min hlau suh, țanpui tur che u in kan lo kal alawm, ka hming chu Phoebe-i ani a, heng ho hi ka thian te Nightwisp (abula thil var te reuh te te, thla nei, thlawk mek chu kawk in) an nih hi, helai ram chhung vengtu te kan ni a, nichin khan kan Lalnu Artisa-i sa duhlai i tihlum a, chuvangin a hriat chhuah hma in helai hmun hi in chhuahsan vat a ngai ani, a hriat hun ah chuan helai hmun hi in chhuahsan thei tawh lovang, in hmanhmawh angai " a ti a.
A sawi zawh rual chuan a boruak ah chuan a thamral nghal daih a, chuan ani chu in thing nawk nawk a, chutah a harh chhuak thut a, a hrethiam ta, helai hi ramsate chunga thu nei tu Nymph (lasi), Dawithiam Artisa-i lalram ani, tun maia a hmuh pawh kha a chhiahhlawh te zing ami ani tih a hre chhuak ta.
Tichuan hmanhmawh bakleng in a tlan let leh a, an riahbuk ava thlen chuan nula i chu alo la mutui hle a, han kaihthawh chu hreh in khawngaih viau mahse, muang thei an ni si lo, tichuan a sawi nawk nawk a, a hmingin a ko bawk a, mahse a harh thei lo.
Thil fello a awm ani, a rilru pawh a buai ta, a pawm nawlh a, sakawr chunga a hlan hnu chuan a lawn kai ve vat a, tichuan a hmanhmawh thei ang ber in an tlan chhuak ta vut vut a.
rei fe an tlan hnu chuan an hnunglam hla tak ah chuan hmeichhe țap hawm hawm ri hi rapthlak khawp a ring hian a khâwk rum rum a, sakawr pawh chuan a hlau ngang mai, tlan ngaihna pawh hre lo hian a ke a vawr a, a țe vak vak a, thunun hleihtheih pawh ani lo, chutah thli a rawn thaw leh vûk vûk a, an bul vel hnim zing ah te chuan phun ri sep sep hi a rawn awm leh thin a, a chângin na tuar rûm ri hi a ri leh vawng vawng țhin a
kal zel ngaihna pawh a awm ta lo, sakawr ber a kal duh tak tlat siloh ah chuan hmun rem lai deuh ah an in hlâng thla a, nula i chu a âwm a bei tir in thing bul beh chhan chuan khawvar hun nghak in an țhu mu ta ringawt a.
Khawvar dawn lamah chuan alo chhing ve sek a, an harh leh meuh chuan ni chu alo sang hle tawh a, a mit chu a kham in a taksa chu ana thum tawh, chet pawh che peih lo chuan a thu hle hle a, reilo te hnu ah chuan nula i chu a rawn harh ve a, phawk deuh hru leh enge maw hlauh nei ni awm tak hian a hawi kual zek zek a.
A kut a chem hum reng a hmuh chuan makti tak in thil awmzia a zawt a, engkim a tir atanga ahrilh hnu chuan, nula i chuan ka ho chung a en hian,
" ava mak ngai ve le, atak tak alo ni ani reng maw? "
" i hre vek maw? ka kaitho zo lo che a "
" nia, ka muhil anih si chuan ka mumang ani mai ang chu, a tak ni maiin ka hria a, enge maw ni hian min ti harh a, ka hmai ah hian an rawn khawih ni berin ka hria, ka harh hlawl a, mahse ka bulah ilo awm lova, kan hawi chhuak a, ka sirah hian nula la naupan hmel tak hi alo ding reng a, thlarau ni mai awm ani, a êng deuh phût a, a bulah chuan nightwisp-rual khat hi an thlawk kual sep sep hlawm a chuvang chuan Nymph- anih ka ring nghal a, ka bulah alo kal hnai a, min hlau suh țanpui tur che in alawm kan lo kal ati a, min kaitho va a kut ka vawn veleh chuan min thlawhpui a, i thianpa Marcus-an helai ram lal ber sa duhlai a tihhlum avang in helai hmun hi inchhuahsan vat angai a,
ahriat chhuah hunah chuan he ram ah hian in tang kumkhua ang ati a, chutia a sawi lai mek chuan hmeichhe țap ri ring tak hi kan hnuai ngaw atang chuan alo chhuak a, chu veleh thli na tak alo tleh a, min rawn nuai nghek a, lei lam ah chuan kan tla thla vawn vawn a, lei kan thlen chuan chet pawh ka che thei lo, ka in sawh nat em avangin ka mu hle hle a, ani chu ana vak lo aniang, ka bulah a rawn kal vat a, engkim a hre ta, in hmanhmawh angai, tunah tlan vat rawh atia, tichuan ka lu dawm chung hian a phun sep sep a, ka na lai te chu chawplehchilh in alo dam nghal a, chutih lai chuan ram ngaw khawk rum rum khawp a ring leh rapthlak tak a nui uarh uar ri hi alo chhuak a, ani chuan ka pui thei tawhlo che, min hmuh chuan hremna ka chungah a tla palh ang, chuvangin i hmalam ah sawn tunah tlan vat rawh min ti a, a sawi zawh rual chuan ani chu boruak ah a thamral ta daih a. tichuan hmanhmawh taka thovin ka pan lam pawh hre chuanglo in ka hma zawn zawn ah chuan ka tlan chiam a, thui fe ka tlan hnu chuan ka hnunglama min umtu awm tlat hian ka hria a,
kan leh hawi chuan ramsa nge mihring tih pawh ka hmu chianglo.
dum ren run, lian leh rapthlak tak hian min rawn um chu niin, rapthlak tak in a hram ruai ruai a, a mit te chu alian in a sen rum mai lehnghal..
Ka hlau lutuk chu ka țe tuarh tuarh a, ka tha te hi a zawi vek in ka hria, mitkhap kar lek an min rawn umpha tep a, mahse ka vannei nge vanduai zawk pawh ka hre lo, ka hma zawn ah chuan khuar nge lengkir zawk emaw ni, kham ni maiin ka hria..
Ka tlanna lam pawh ka en chian loh avangin chu kham/khur ah chuan ka tlan liam a, ka tla thla vawn vawn a, chutia ka tlak lai chuan ka lu ahai in, ka thil hmuh a fiahlo ruai ruai a, hnuailam chu a êng telh telh ni hian ka hria a, chutih lai chuan ka lo harh chhuak ta ani "..
chutia a mumang a sawi zawh hnu chuan, tumah mah pawh chuan țawng zai an rel tawh lo, ngui leh chauh hmel deuh hian an melh ngai an melh ngawr ngawr a.
Rei fe chutia ngawi reng a an thut ren rawn hnu chuan nula-i chuan zawi sap hian,
" kan thil tawn hi a mak hle mai, kan thil hmuh leh hriat te hi a tak ngei anih ka ring tlat, chuvang in helai ram hi chhuahsan vat itum teh ang " ati a.
Chutah Marcus-a pawh chuan a thusawi chu a pawm ani tih nan alu a bu nghut nghut a, muangchang a tho vin nula-i chu a puan chu a sin țhat tir te te a, hmanhmawh tak a insiam in, nula-i chu a sakawr chung ah a hlang nawlh a, amah pawh chu chuang ve nghal in, chak tak in chulai ram chu Ni Pathian Ropui Helios- an a a mei sakawr tawlailir a khawthlang lam a Ni a hnuh liam pui hma ngei a chhuahsan hman tum ni awm tak in an tlan ta dawr dawr a.
Chutia an tlan liam hnu lawk chuan chu lemchan dawhsan hnung bang nge dawhsan emaw ni chu hreh hmel tak in zawi muang hian a rawn thim ruai ruai a..
Eng thil tak lo thleng leh ang maw ti a ka ngaihtuah rauh rauh lai chuan,
Ngaiteh, khawi atanga lo chhuak nge tih pawh hriat loh hian sava hram ri noh noh hi alo ri chhuak phut a, phawk tak a ka hmalam dawhsan kan en phei leh chuan, chu lam atanga lo chhuak ngei chu niin ka hria,
chu lemchan dawhsan chu tlem tlem in alo eng telh telh a, sava hram ri ka hriat te pawh chu chuta tang ngeia lo chhuak chu ani..
Chutia alo en zel chuan reilo te ah alo lang chiang ta, Van chung saang tak ah hian thuneih hmel tak hian Ni chu a êng ut a, a hnuai zawn ram ngaw tumah in a an la dai ngailoh na ni mai awm tak a pik leh mit ti tlai tak te chu chatuan atan a thlir vawng vawng ava chakawm tak em.
Chutia duhthu ka sam vel mek lai chuan chu ram ngaw chhah tak atang chuan Marcus- leh Penelope-i te chu sakawr chung achuang chung hian an lo tlan chhuak hlawl mai a,
chutah Marcus- chuan a sakawr chu ti ding in, an hma lam a Thi theilo Pathiante chenna Olympus- tlang ang mai a ropui leh mawi ding lurh tlang lian tak chu an kawk a.
" Saw tlang saw ania kan kal na tur chu, i chipui Druid- ho khua ania, tahchuan kan pan tur pa pawh hi a cheng a ".
Nula-i chu hlim tih hriat tak hian a nui ver ver a, Marcus-a mit tak a en chung hian,
" Nang ka tawng hlauh che hi chu ka lawm tak tak ani ".
Chutah an hma zawn a tlang chu nghahhlelh hmel tak hian a thlir dauh dauh a,
" engtia hla nge ni ang "
" Tlai ni tlak hma chuan kan thlen hman ngei ka beisei, chu aia hma pawh chuan ".
Nula-i sam a chul pah chuan,
" Tlang bulthut leh a thlang ram ah sawn milian Cyclops (mit pakhat chauh nei, milian. CR)- an cheng a, min lo hmuh vaih chuan in dam in kan chhuak tawh kher lo ang, chuvangin tuipui atanga kan hel mai angai dawn ani, tirawh, i hmanhmawh ang hmiang "
chutia a sawi zawh chuan sakawr ah chuan an chuang leh ta a, ramngaw zaupui lam chu tlansan in, tuipui lam pan chuan an tlan thla dawr dawr a.
Ngaiteh, chutia hmuhnawm ti tak a tuipui lam pan a an tlan thlir a lemchan dawhsan lam ka thlir dauh dauh lai chuan, ka hnung lam ah hian thawm awm tlat in ka hria a, beng tun hra chung chuan muangchang in hnunglam kan hawi ruai ruai a,
mahse engmah ka hmu lo, ka hnunglam banga meichher in chi alh hlet hlet tih mai loh chu, mahse chutia ka thlir reng lai chuan hnunglam bang a meichher in chhi ho chu thli in a chhem ni mai awm hian a alh der der hlawm a.
ka awmna in ah chuan thli rawn thãwt luhna tur awm reng awm hian ka hre silo,
makti tak a mahni leh mahni inbia a ka phun nuah nuah lai chuan ka hmalam ah chuan thawm dang ka hre leh ta.
Tui fâwn ri hlup hlup leh lungbang su ri hum hum ri hi a rawn ri a, makti tak a hmalam kan hawi nak chuan ka hma zawn lemchan dawhsan chung nge a hnung bang emaw ni zawk ah chuan tuipui zau deuh mai hi alo lang a, muangchang fahan hian arawn lang hnai zel a, chu tuipui kam ah chuan Marcus- chu thing leh mau a lawng, pûm lawng siam in alo buai hmel hle a, a piah deuh țaupho ah chuan Penelope-i pawh chu a hma lam tuipui zau tak lam hawi chuan lunglen hmel deuh hian alo thu veuh veuh a, chutia ka en reng lai chuan, Penelope-i chuan Marcus- a thilsiam chu a melh zeuh zeuh a, chuan a hnu lawk ah chuan a țhut hmun siamrem in Marcus-a lam chu a hawi ta reng a,
a thilsiam nilovin amah zawk chu a en ni hian ka hria,
mi huaisen Perseus-a, Pathian ropui ber Zeus-a leh Argos Lal fanu Danae-i te fapa, ramhuai rapthlak tak, a mit a en apiang lung a chantir thei leh Pasaltha tamtak in a nunna an hloh phahna, Medusa-i leh Tuipui sa hlauhawm lian leh rapthlak pawh that tu hmu ni mai awm hian mit la lek lovin Marcus-a chu a thlir vawng vawng a.
Chutia a thlir reng lai chuan Marcus-a thilsiam chu a rawn hawichhuak zauh a, Penelope-in a en reng tih arawn hmuh chuan nuih seih pah hian,
" ka van hmuhnawm awm ve a " tiin an fiam a.
Penelope-i zak chu a sen țawn țawn a, a hamhaih chu hmuhnawm tak ani, rang deuh in tuipui lam chu a thlir leh nghal daih a.
Chutah Marcus- chuan,
" kan chhuak thei tawh e, mahse kan thlen vat theih nan Tuipui Pathian Poseidon-a hnen ah kan țawngțai phawt dawn em ni " ati a.
Chuan Penelope-i pawh chu a țhutna atanga lo tho vin Marcus-a lam ah chuan a phei vat a, an kut leh kut chu suih in Milian Hun Pathian Cronos-a fapa Tuipui Pathian Poseidon-a hnen ah chuan an țawngțai dun ta malh malh a,
chutia an țawngțai zawh hnu chuan Marcus- chuan a lawng siam chu tuipui lam ah a hnuk phei a,
Penelope-i chuan sakawr chu rawn kaiin, an pathum chuan lawngah chuan an chuang kai vat a.
An chuang kai fel ta maw tih ah hian an țawngțaina te Poseidon-an a chhang ni awm tak hian na em em silo leh lawng ti kal chak tawk lek chuan hmar lam atang hian thli a rawn thaw ta heuh heuh a, tichuan tuipui zau lam ah chuan chak fahran lo tak hian an leng ta dêr dêr a.
Hmuhnawm leh tui tak a ka thlir dauh dauh lai chuan hun alo liam duak duak tih reng ka hre lo, engmah dang ngaihtuah lova ka hmalam dawhsan lam a rilru zawng zawng ka dah mek lai chuan hriatloh kar in hun alo liam a, Van chung sang tak a Ni pawh chu a lo her liam tep tawh a.
Mitkhap kar lek a hun liam ta duak duak mai chu makti a ka ngaihtuah roh roh lai chuan tui fawn ri hlup hian minti harh leh ta zawk mai.
dawhsan lam kan thlir phei leh meuh chuan Marcus-a te chuan vaukam anlo kai der tawh a, an lawng, pûm lawng chu a lo dah țha vel mek a, an lawng a dahțhat hnu chuan Penelope-i chu sakawr ah chuan a hlang nawlh a, ani pawh chu chuangkai ve nghal in an piah lawk a tlang sang leh ropui tak lam pan chuan an tlan leh ta dawr dawr a,
reilo te ah chuan tlang bulthut chu an thleng ti tih ta mai a, tlang sang tak atanga tui lo khawhthla chu thlir in abul lawk ah chuan an ding reng a, chutah Marcus-a chu sakawr atang a chhuk in Penelope-i pawh chu a hlang thla ve nghal a,
Marcus-chuan,
" hetah hian lo awm la, he tuikhawhthla helna tur leh khaw luhna luhka awm ka va zawng lawk ang e, khua lah chu a thim țep tawh mai si a, ka rei lovang " a ti a.
Penelope-i chuan aw tih nan a lu alo bu nghut a,
ram palaileng a mahni chauh a lo awm chu a hreh tih chu a mit meng leh a hmel ah chuan hai rual ani lo, chu chu hria ni awm tak hian Marcus-a chuan a chem sei chu phawrh in, Penelope-i kut ah chuan a hmeh bel a, chutah duat hmel taka kuah in a beng bulah hian zawi te hian,
" ka rei dawn hleinem, ka lo kir leh vat ang, i dam țep tawh ania " tiin a thlamuan a.
a kuahna chu phelh in sakawr ah chuan a zuangkai thauh a, hnim pik lam ah chuan a tlan liam ta a.
Chutia a tlan liam tak hnu chuan Penelope-i chu tui khawhthla lamah chuan pheiin, lung chung ah hian khawhar hmel tak hian a țhu ngui lap a,
Dar chanve emaw lai hnu ah chuan, a piah lawk a hnim chu a rawn ri sun sun a, rang taka thawm lo chhuahna lam chu hawiin a tho zawk a, a chem chu inring tak hian a hum ran bawk a.
Mahse reilo te ah chuan hnim pik kar atang chuan Marcus-a chu a rawn lang hlawl a, sakawr atanga chhuk in Penelope-i lamah chuan a phei vat a,
Duat hmel tak a kuah in,
" mihring hnuhma ka hmu zo lo reng reng, kawng hlui emaw pawh, mahse khawiah emaw chuan a awm tur ani, luh leh chhuahna awmloh ngawt thu awm suh " a ti ve tak na a, a beidawng thawkhat tih chu a hmelah chuan alang tho,
Penelope-i chu kaih kuah in lungpui chung ah chuan a țhutpui a, a âwm ah a bei tir in, duat tak hian a sam chu chul sak heuh heuh a..
Rei vaklo beidawn hmel tak a an țhut dun rial hnu lawk chuab an piah lawk a hnim vel chu a rawn ri leh sun sun a, akhât tawkin mihring țawng ang deuh te hi a rawn ri leh nawk nawk țhin a, an pahnih chuan tho chhuakin thawmlo chhuahna lam chu an thlir reng a, bihruk an tm hauh lo mai. Marcus-a chuan a chem sei chu inring tak in a hum ran bawk a,
Thawm chu alo hnai zel a, țawng ri pawh a hma ai chuan a ri hnai sawt ta hle mai, reivaklo ngawi reng a thawm lo chhuahna lam an en reng hnu chuan chu mi te pawh chu hnim kar atang chuan an lo chhuak hlawl mai a, putar hmuihmul nei chhup mai pakhat leh tlangval la naupan hmel deuh pahnih hi an ni a, sakawr chung a chuang țheuh vin, ralthuam pawh an pai hmel loh, mi vantlang thawmhnaw ang hi țha vak tawh lo an in bel a,
chutia mipa leh hmeichhia ram palai leng a an han hmu thut chu mak an ti deuh ani ang, an tâwng lai pawh chu an chawl zawt a, an in en ang he haw a, chutah zawite hian an in be sar sar a, chuan a putar ber chuan pan hnai in,
" tute nge in nih, helai ram ah hian engti tur a lo kal nge in nih "
" Marcus Valerious, Baculla Lal Alpheus-a fapa ka ni e, chuan hei hi ka thiannu Penelope-i ani e, in mi hmuh ang in helai ah kal ngaihna hrelo vin kan awm ani a, a theih chuan in mi țanpuina kan dil nghal e " a ti a.
Putar chuan zah hmel taka Marcus-a en pah hian, "Lal ropui leh fel tak Alpheus-a fapa maw inih a " a ti a.
ani chuan aw tih nan alu a lo bu nghut a,
" Tlangval, engti tur in nge helai a hian inlo kal, min hrilh thei em, chuan khawi lam pan zel tur nge in nih "
"Ka pu, he tlang a khua ah hian kal kan ngai a, mahse aluh na awm reng reng kan hmu zo silo, puithiam Neira- hnen kan thlen vat angai ani, min țanpui thei em "
chutah putar chu leh hawiin a tlangval hruaite pahnih chu a melh zauh zauh a, chumi te pahnih chuan hrethiam ni awm tak hian an lu an lo bu zauh a, chuan Marcus- te lam hawi pah in,
" he khua a cheng ve tho hi kan ni a, Puithiam Neira- pawh chu kan hria a lawm, a hnen meuh in rawn kal dan ah hian enge maw buaina leh harsatna thuk tak chu in nei ani maw, chu zawng kan hriat ve chi pawh anih loh chu, hei khua pawh a thim țan ta, min lo zui ve nghal mai dawn lo'm ni " putar chuan zaidam hmel tak hian a ti a.
Tichuan hmanhmawh tak in sakawr ah chuan Penelope-i chu hlang in a mah pawh chu a chuang zui ve nghal a, mikhual lo kal te chu an zui ve ta a,
Putar bawk chuan,"he khua luhna hi pakhat chauh a awm a, chu chu hei hi ani " a ti a.
chutia sawi pah chuan in tihtheih hmel tak hian putar a chuan a hma zawn a tuikhawhthla sang tak chu an thlir dauh dauh a,
Marcus- chuan mak tih hmel tak a thlir ve pah chuan,
" ava mak ngai ve, nichin khawthim hma deuh khan helai hmun hi kan lo thleng tawh a, khaw luhna luhka zawngin ka buai hrep asin, kan hmu hlauh che u chu kan lawm hle mai " a ti a, putar bawk chuan,
" ni e, hre ngailo tan chuan luh ngaihna a awm lo alawm, hei hi kan vanneih na ve ania " tiin alo chhang zui ve nghal a.
enge maw sawi a ti ti melh melh pah chuan chu lui ah chuan an in zuilut ta diah diah hlawm a. Lui hnar lam chu pan zelin tuikhawhthla sang tak maiah chuan an lut tlang ta a.
Chutia tuikhawhthla hnuaia an lut ta chu a thim in engmah pawh a hmuh hleihtheih loh a, mahse phun nawi lovin an kal zel a, pûk chhung ah an lut ni ber in alang, Hlam sawm emaw vel lai chutia thim zing a an kal hnu chuan, tuikhawhthla dang hi alo awm leh a, chu pawh chu a hma ami ang bawk khan an kal tlang leh a.
A mak kher mai, chutia tuikhawhthla an kal tlang leh ta chu pûk chhung thim deuh ruih leh a hma ami ang tho ah khan an luh leh ka ring a, mahse ka ring sual chhia va khawp mai,
tuikhawhthla an kal tlang chiah chu a lehlam ah chuan puk reng reng a awm lo, puk chhung atangin pawn ah an chhuak zawk ani.
Ni e, tuikhawhthla lehlam ah chuan khua, an zawn ngei chu alo awm anih chu, tlang chung pawh ni lovin, tlang chhung ni ber in ka hria.
Marcus- te pawh chuan mak an tih hmel kher mai, an hawi ruai ruai a, khaw ropui tak ni lo mah se, a hmun a nuam a, thing leh pangpar te, an in sak hniam te te leh a mi cheng te chu an in hmeh tawn em em a, hmuhnawm tih hmel tak a an thlir dauh dauh lai chuan khawchhung an lo lut der tawh a, mi te chuan mikhual tlangval, ralthuam famkim a in thuam hmeltha tak leh, nula tleirawl Nymph(lasi) ang mai a thianghlim an hmuh chuan mak tih hmel tak in an lo en huai huai hlawm a,
a țhen lah an lo inhrilh ru sep sep bawk a,
chutia an kal zel lai chuan an hruaitu putar chuan,
" sawlai piah deuh a meikhu lo chhuah hlat hlat na saw Puithiam Neira- in chu anih chu, va kal nghal mai rawh u, a mah pawh a awm ngei ka ring " a ti a. Marcus-a chuan hlim hmel angreng tak hian,
" ka pu, min țanpui avang in kan lawm tak meuh meuh ani " tiib lawmthu a hrilh a, putar chuan,
" kei pawh nang ka hmu che hi ka lawm khawp mai, i pa nen chuan kan in kawm fo țhin asin " tiin alo chhang a.
" ka pa nen chuan in in hria amaw "
" hria e, i pu, i pa pa la dam lai hian i pa nen kan tleirawl chhuah tirh hian kan in kawm țhin a lawm "
" alo nih tak chu, engpawh ni se, min țanpuina avang hian i chung ah lawmthu sawi sen lo kan ba ani, nih leh kan kal phawt ange, kan la in hmu leh dawn nia "a ti a.
tichuan damtak in tiin an in țhen a, ani pawh chu muangchang in mipui zi noh noh kar ah chuan Puithiam Neira- in lam pan in an kal ta a.
Chutia an kal ta chu reilo te an Neira- in chu an thleng a, Marcus-a chu sakawr atanga chhuk in Penelope-i pawh chu zo deuh mai hian a hlangthla ve nawlh a, pawn thing ban a sakawr a thlun zawh hnu chuan kawngka lam ah chuan an phei a, reilo te an nghah hnu chuan Oak thing chang taka siam kawngkhar chhah pui chu a kik karh karh a,
reilo te a nghah zawk hnu pawh a thawm engmah ala awmloh avang a kik nawn leh tuma a ban lai tak chuan kawngkhar chu chhunglam zawng hian alo in hawng thut a, Elf, house elf( ramhuai kan tih ang chi zîng ami, tereuh te, dawithiam ho ina an inchhung an enkawl tir țhin, chhiahhlawh a an hman țhin, kan hriatthiam dan tur chuan, Christmas putar chhiahhlawh leh toys vel siamtu mi tereuh te te, beng zum vin ven ang chi. CR) hmelchhe deuh, beng zum vin ven leh hnar sei tak pakhat hi lo chhuak a, maktih hmel tak a hian a rawn en ha a.
" Puithiam Neira- in ani em aw "
" Aw ni e, enge ni ta "
" Amah a awm em le, biak lawk kan duh deuh a "
" Awm e, lo lut rawh u "
chutia atih veleh chuan inchhung ah chuan an lut ve ta nghal a,
in chhung chu pawn lam a alan dan ang aiin lo zau deih a, mahse a bâl ni lovin a hnawk rum in a hriat, lehkhabu chi hrang hrang atam in chhuar ah chuan alo in rem țun a, damdawi lam zirna leh khawihna bungbel ni awm tak tak alo awm nuaih bawk a, chung lehkhabu vel rem tha chuan chu Elf- hmelchhe zet chu a buai zui leh nghal char char a, anni chu a ngaihsak leh tawh lo reng reng, ala zai rut rut lehnghal a.
Inchhung ah chuan chu Elf- ang chi chu pahnih lai anlo awm bawk a, an lut lai anlo melh zuk tih loh chu an lo ngaihsak bik chuanglo, an hnathawh lai chu an chhunzawm leh nghal mawlh mawlh a.
Țhutna chang pawh hre lo a an hawi kual ruk ruk lai chuan thuk mei intuah alh hlut hlut bul atang chuan aw hian, fiah leh chiang mangkheng hian,
" khawngaih in lo țhu ta che u "
aw lo chhuahna lam chu an hawi rual țhawt a,
thuk meilum bulah chuan putar samtuak var vek tawh leh hmuihmul leh khabe hmul pawh var vek hi alo țu a, an lam pawh rawn hawi chuanglo chuan,
" Inlo kal na a hlat awm teh reng reng, in ril te pawh ațam tawh ang chu ti raw " a rawn ti zui leh a.
chhanna chang pawh hre chuanglo chuan chu pa bul thutna ah chuan an țhu ve nghal sawk a.
Marcus- chuan,
" Puithiam Neira- ini ang chu ti raw,
aw tih nan chu putar chuan alu a bu nghut a,
chutah sawi zawm lehnghal in,
" kan hmu thei che chu kan lawm hle mai, Isle- khua atanga lo kal kan nia, ka hming chu Marcus Valerious- ani e, chuan hei hi ka thiannu Penelope-i ania, Druid- hnam zing ami tho ani e "
chu putar chuan an thusawi pawh chu ngaithla awm ang pawh in a hriat loh, thuk mei alh hlat hlat lam ah chuan a rilru zawng zawng chu a dah ni mai awm hian a melh ngut ngut a.
A khawsa zia mak an tih em avang leh chhan zai pawh arel loh avang chuan Marcus-a leh Penelope-i te chu hrilhhai hmel tak hian an in en hrek hrek a,
reife chhung chutia an biakna pawh chhang chuang lo a mei alh lam a thlir voh voh hnu chuan a rum nghut a, chutah ring leh fiah tak mai hian, 'Aelos'- an ti fiak țhak a,
chu veleh Elf- zing a pakhat, nichin a kawngkhar hawngtu hmelchhe zet kha rang tak hian chu putar bulah chuan rawn tlan phei vat in, a bul ah chuan inthlahrun hmel tak hian a ding ngawi reng a.
" mikhual te hi eitur lo buatsaih sak ta che, an ril ațam tawh ang "
chutia a sawi zawh hnu chuan chu Elf- pa chu a bu nghut a, rang tak in a kalsawn leh nghal a.
Chutah Putar Neira- chuan Marcus-a te lam chu hawiin nelawm tak hian,
" Nula, Nicholas- a fanu ini em "
maktih hmel tak an in en he haw a, chutah Penelope-i chuan,
" Aw ni e, Ka pu, ka pa i chu i hriat zawng ani alaw "
" Nicholas- khawngaihthlak a kha, engkim a ka engkim ani asin, kan khua chhuahsan a min pem bosan tak hnu ațang khan vawi khat chauh kan in hmu leh a, nang a fanu i pian hnu lawk khan, hna ropui tak thawh dun kan tum mek laiin a boral leh ta mai si a, kha dawithiam nu misual Siraka-i vang vek kha ani, a thisen chu a thlawn in aluang hauh lovang "
Penelope-i chuan,
" ni e, ka pu kha misual nu khan ka pa mai nilovin kei ngei pawh hi ka nun min tihchhiat sak asin "
alung chhia chu a kun nghiai a, Marcus-a chuan hnem nan a kut chu nghet tak hian a vawn sak thuai a,
enge maw chen tawng zai pawh rel lo a an ngawih țhap hnu chuan Penelope-i pawh chu alo hawichhuak leh ta a,
" ni e ka pu, Siraka-i khan a dawi thiltih theihna chu ka chung ah a lek a, zantin Arkaiden- zan apiang a ramsa hlauhawm a chang țhin tur in anchhe rapthlak tak chu ka chung ah alek ani "
reilo te an chawlh leh det hnu chuan ti hian a sawi zawm leh a,
" he a dawi min sut sak tur leh min lak bosak tur hian kan rawn pan vang vang che ani, nang chauh hi minpui thei tu ini, ka pu "
theh hmeh ang maiin chu inchhung chu a reh vawng vawng a.
Elf- hmelchhe deuh deuh te pawh chuan an thil tih lai chu dah in, Penelope-i thu sawi chu mak ti tak hian anlo ngaithla a, hlauh hmel tak hian an in en hrek hrek hlawm a.
Reife chutia an ngawih țhap hnu chuan putar Neira-chuan Penelope-i en kar chung chuan dam thlap hian,
" i chungchang thu chu ka hre tawh asin, ka fanu, mahse he dawi la bo tur hi chuan thil buaithlak tak mai i hmachhawn a ngai dawn ani "
an ngawi hlek a, chutah sawi zawm leh in,
" zan in hian Thla khi a bial dawn a, he hun remchang hi kan hman tangkai angai dawn ani, chuan i damchhungin i zalen kum khua tawh ang, mahse..."
muangchang a maimitchhing riai riai in chauh hmel tak hian a rum nghut nghut a,Marcus-a chuan a ngaihna hriat loh hmel tak hian Penelope-i chu a melh hu a, Penelope-i chuan maktih hmel tak hian,
" enge mahse, enge lo thleng dawn "
a hlauh hmel kher mai, a hma a Putar lungngaih hmel tak a thu kun lup lup chu a hnaih sawt a, a kut vuai leh chuar tawh tak chu hum sak in, fa in pa hnen a thil an ngen ang mai a pangchang hian,
" ka pu, enge mahse chu. Engthil nge ka chung ah chuan lo thleng ang, khawngaih in "
A mit chu zawi muang a rawn meng in a hma a nula naupang te khawngaihthlak tak chu lainat tak hian a melh a, a kut lek kang in chu nula luchung ah chuan a nghat riai riai a,
" Ka fanu, engkim hi a țha lam kawng vek ani ngai hleinem, khawvel hi țhatna leh dikna in khat vek sela, thil diklo a awm ani dawn asin "
chutia a sawi lai chuan Elf- zing a pakhat chuan thing dawhkan tê hi rit tih hmel tak hian a rawn chhipchhuan phei law law a, Marcus-a te hmazawn a a hun rem hnu chuan, Elf- dang pahnih te chuan Eitur chi hrang hrang hi thing thlêng kum hian an lo chawi phei law law a, dawhkan a an dah hnu chuan intihtheih hmel tak hian an han enkual a, chuan pindan dang ah an bibo leh ta daih a.
An eitur rawn chhawp te eitur a atih hnu chuan putar chuan,
"Ni e, Zan in hian Thla khi a bial dawn a, nang pawh sa hlauhawm ah chuan i chang dawn ani, chuvangin i chan hma a he dawi kan lakbo ngei hi angai dawn a, mahse Thla bul ah khian Pleiades(arsi hming, siruk kan tih hi. CR) an awm ang a, Venus, Jupiter leh Mars te khi khawthlang lam, kawl kil chung ah a in zawn in an awm dawn bawk a, chuan Thla khi ' ring of circle' (chhum circle anga kual in thla a hual) chhung ah a awm dawn bawk,
hetiang a a rual a an awm nan hian kum tamtak angai a, zanin a an awm ang a an awm leh hmasak ber hun tur chu tun atang a kum sawmsarih ah ani,
chuvangin he hun hi 'Dark magic' hmang ho te tan chuan Ritual(inthawina)- hun tha leh anlo nghah hlelh ber țhin ani a, chuvangin hmun tin atang in an 'dark magician'- te chu an kal khawm ang a, khawpui deuh an pan khawm ang, in khua Isle- ah pawh he hun hi hmangin, 'Sabbath'(dawithiam ho hun bik leh arual a inthawina an neihna hun pawimawh. CR ) an nei ngei ang, Van chung boruak ah hian ah hian mihring pangngai mit a hmuh theih siloh in thim thiltihtheihna chuan thuneihna a lek dawn a, he thil thleng tur hian kan hnathawh lai chu ati buai in, kan tum loh dan in thil a thlen tir palh hlauh ang tih ka hlau ani "
thing thleng kum(bowl) a enge maw ni, chawh kawi, sat hmel tak a la khu vat vat hawp pah chuan Marcus- chuan,
" mahse, he hun hi kan bawh pelh chuan "
" Ni e, kan tan a hun tha ber ni mahse hun hlauhawm ber ani thei tho mai a, engpawh ni se hmanhmawh lo in thlamuang tak in lo awm phawt rawh u, kan hlawhtlin ngei pawh ka ring "
" ka pu, khawilai hmun ah nge "
angaihna hriatloh hmel tak hian Penelope-i chuan a ti ha a.
"He tlang ah tho hian ania, khaw pawn ah sawn 'Ritual' neihna bik ve deuh kan nei a "
tichuan an thil eitur te an ei zawh hnu chuan putar-a chuan kut an beng ri zauh a, chu veleh Elves hmelchhe tak tak te chu rang tak a lo chhuak in, Marcus-a te thil ei nawi leh hnawk te chu an rawn ti fel zung zung a.
thil an ei zawh hnu chuan reilo te an an țhu khawmuang leh rih a, Elves- te chuan thing no tung sei tak hian intur eng eng emaw hi an lo pe a, chung thil vel an in mek lai chuan a țhut hmun atang a thovin putar Niera- chuan banga a savun ipte inkhai chu a la thla a, a chhung ah chuan thil fun eng eng emawni hi a thun mawlh mawlh a, a thun zawh hnu chuan abul a tukverh ah chuan hawichhuak in pawn lam thlir in a ding vauh vauh a, enge maw chen chutia pawnlam hawi a a dah chhuah hnu chuan, a in her vut a, thil ngaihtuah muk fe ni awm tak hian muangchang in Marcus-a te lam ah chuan a phei chhut chhut a.
Marcus-a te hnen ah chuan,
" Zan ala reilo na in Thla chu a chhuak hma hle mai, ti rawh u i kal vat teh ang u "
An pahnih chuan hmanhmawh tak in an in ti fel zung zung a, tichuan an pathum chuan in chu an chhuahsan ta a.
Chutia ka en reng lai chuan chu lemchan dawhsan hnung bang nge a chhuat zawk emaw ni chu thawk leh khat ah hian Ni let enge maw zah vel tur hian a rawn êng chhuak thut a, mit vai te chu khawilam ah ani ringawt, men pawh ka meng ngam lo, ngam pawh ni ta teh reng ila, a men theih loh hrim hrim ang.
Dar chanve emaw lai chutia ka maimitchhin hnu chuan eng thil nge ni teh reng tih hriat tum in tlem tlem in kan meng siar siar a, eng rapthlak tak kha chu alo reh tawh a, mahse chu lemchan dawhsan chung emaw ni ah chuan ramhnuai pilril hmel tak hi fiahlo ruai hian alo lang a, hla tak ah chuan Țek nge kawlphe emaw ni hi van chung sang tak ah chuan rapthlak tak hian a de êng chuaih chuaih a.
Chu ramhnuai chu reilo te an alo lang hnai zel a, chu tih lai chuan hla chham mi a sa nge a țwngțai zawk ni, phun ri nuah nuah ri hi alo ri chhuak a, a tir a zawite kha a ring telh telh a,
ramhnuai pawh chu alo lang chiang ta, Chung van sang tak ah chuan thla chu a eng bial kulh a, a vel in chhum chhah tak mai hi rapthlak tak mai hian a kual ruih mai bawk a,
lei lam alo lang leh ta, chu ramngaw chhah pui mai hnuai ah chuan hlam sawmnga emaw vel lai a zau hian hnim țo lohna hmun fai deuh mai alo awm reng mai,
chu hmun fai lai ah chuan khat deuh deuh leh awmze nei tak si a in rem hian mi sawm pahnih hmanlai puithiam kawrfual dum ang chi ha hi ngawi reng hian anlo ding a, an piah deuh ah chuan chuan mi sawmnga bawr vel tur kawrfual dum vek ha hian hi anlo ding țhup mai bawk a.
Chutia ka en reng lai chuan chung ho hma deuh ah chuan Arsi lianpui mai hi lei ah chuan rawng nge thil phut var hian alo in ziak kuau a, chu arsi sir kil vel ah chuan hawrawp nge milem emaw ni hi fiah tak mai hian uluk tak a ziah ni awm tak hian a lo in ziak bawk a.
Chutia ka en reng lai chuan ngaihteh, chu arsi lai tak ah chuan mi pakhat midang ho hak ang chi kawrfual dum ve bawk ha hi lehkhabu hlai tak keng hian vanlam hawi a chung hian alo phun mawlh mawlh a..
Reife chutia ka en reng lai chuan chung ka mi hmuh te chu an hla tial tial a, ram ngaw chu Motor kan chuan a tukverh kan dah chhuah a pawnlam lang zut zut leh kal pel zut zut ang hian alo lang zut zut a..
Rei tak chutia a kal zawt zawt hnu chuan mitkhap kar an a rawn muang tial tial a, chutih lai chuan ring tak a hmeichhe țe ri hi a rawn ri chhuak thut a, a rin em a vang in chulai ram ngaw ah chuan a khawk rum rum a,
alo lang hnai zel a, hmeichhia lungchhe tak a in sut ri leh hrawk hrawk hi zawi te te hian alo ri leh a, chutia ka en reng lai chuan chu ram ngaw chhung ah chuan Marcus-a te pathum chu an lo awm reng tawh a, Penelope-i chu Marcus-a chuan thingkung lian tak ah hian alo țawn bet mek a, Penelope-i chuan talchhuah pawh a tum chuang lo, a zawi vek ni ber in ka hria, a sam ngil leh mawi tak chu a ther sung a, alu chu a kun nguai bawk a, eng thil tak chu ti dawn chu ni maw ti a ka thlir mek lai chuan, an piah lawk ah chuan Putar Niera- chu lei fai lai ah hian enge maw ziak ni awm tak hian a lo țhu hlun bawk a, Marcus-a chuan ring tak leh hlauhthawn hmel tak hian,
" kan hmanhmawh angai, kan chet vat angai ania "
Niera-a chuan chu a țawng ri chu hre awm pawh hian alang lo, nge a hre reng a a chhang duhlo, hman lo pawh ka hrethiam lo.
A thil tih lai chu a chhunzawm mawlh mawlh a, Marcus- leh Penelope-i te hual chuan Rin bial zau tak hi savun ip tereuhte a thil dip var enge maw ni hian a rin in, a phul kual mawlh mawlh a, chutia a tih zawh hnu chuan a hma lawk a ka mi hmuh te tih dan ang khan, a rin bial siam chhung leh Penelope-i hma zawn lawk ah chuan Arsi lem lian vak lo hi a siam leh mawlh mawlh a,
a siam kan ti takna a, a thil dip var ken hmang chuan asiam niin ka hria, a phul kual leh mawlh mawlh a.
Chutia a tih zawh hnu chuan, Marcus-a chu a kut a hui in kalsawn tur in an zai zir a,
rang tak a a kalsawn hnu chuan, chu a rinbial chhung ah chuan ding in, enge maw ni hi a chham zuah zuah a,
chu veleh a rin bial siam leh Arsi siam te chu alo alh phut a, reh leh ta chuang lo chuan a alh reng in a changin a rawn alh zual leh thut thut a. Marcus-a chuan makti tak maiin che lek lo hian chu thil chu a en reng a,
chutih lai chuan Penelope-i chu na tuar nasa deuh ang mai hian thawk leh khat a rawn țe thut in a tal vak vak a.
Chung lam van chung sang tak ah chuan rapthlak zawk khawp hian Thla chu a eng bial kulh a, chutih lai chuan chhum var thianghlim em em mai hi Thla bulah chuan a vir hian an vir tup tup a, kalkawng nei ang mai hian zawi muang hian Thla chu an hual țan mek a.
Ka tehkhin ber chu Dragon boruak a aduh thal a a leng kual vel hi ang ber in ka hria,
chu zan rapthlak tak ah chuan Van ah reng reng chuan Arsi pakhat mah zu awm lo a maw le, chu ringawt pawh chu ngaihthatlohna tham a tling ta hial ve ang(!)
kawlkil hla tak a Arsi lian tak tak pathum in tlar țhat tih mai loh chu,
chutia ka en mek lai chuan thli hi a rawn thaw vuk vuk a, thing hnah te chu a chhem til sung sung a, mak tih tawh nak alaiin Van ah chuan Kawl phe ang mai hi arawn de zawk zawk a, chutah Țek hi a rawn tla ri chuai chuai leh nghal vei nen, ruah rapthlak a sur ngei dawn anih hi ti a ka ngaihtuah rauh rauh lai chuan Puithiam Neira- chu thinrim hmel tak hian dawi hla enge maw chham hian a phun nuah nuah bawk a,
chutah Penelope-i chu tal vak vak in rapthlak tak tak hian a au ruai ruai a, enge maw chen chutia a au hnu chuan a aw ki pawh chu a dang ta deuh deuh a, hmeichhe aw rawl mai ani ta lo, chinghnia ang maiin a rawn û chhuak leh ruah ruah a, a taksa te chu a rawn lian in a kut tin te pawh chu zawhte tin ang mai hian a rawn sei tual tual a, a hmel te pawh min khap kar lek an a danglam in a ha te chu a rawn lawr sei vun a, a kawr te pawh chu a taksa, a vun hmul thup mai leh lian tak te chuan a rawn tawn thler țan mek a.
Chutih lai chuan Marcus-a chuan Neira- chu hlauthawng tak mai hian a rawn au vak vak a, mahse Neira- chuan a thu chham lai chu chawl lo va sawiin a hma aia uar hian a chham ring leh zual sauh a,
Meialh te pawh chu a hma aia nasa hian an rawn alh leh zuai zuai a, Thli lah chu a thaw nasa in a tleh hian a tleh a ni ringawt, van boruak ah te chuan rapthlak tak mai hian an rum ri vung vung a.
Chutih lai chuan Penelope-i chu mak deuh mai hian a zawi hnawk a, nikhua pawh hrelo ni awm tak hian alu chu a kun leh nguai a, a taksa te pawh chu muangchang a pangngai leh telh telh in a tin hriam hmel leh sei tak te pawh chu a tawi in a pangngai țan leh mek bawk a.
Neira pawh chuan a thu chham lai te chu chawl in a bag- ah lai atang chuan hmanhmawh tak mai a darthlalang bur lian vak lo, kuttum tia vel bial sawl deuh chu phawrh in, a kut lehlam a keng chung chuan Penelope-i lam ah chuan a lek phei a, a kut lehlam chuan thil dip eng deuh hi keng in Penelope-i lam ah chuan a chhem leng sung sung a.
Chutia atih zawh chuan Van lam hawi chung hian ring tak in dawi hla emaw ni hi a chham leh zuah zuah a.
Ngawi teh, thil mak deuh mai alo thleng, chutia a phun mawlh mawlh lai chuan, Penelope-i thlarau emaw ni..
Thil dum, meikhu nge chhum dum dal deuh ang mai hi Penelope-i lu chung atang chuan muangchang hian a rawn khu nge a rawn luang chhuak ruai ruai a,
Mahse chutia makti tak a ka en reng lai chuan Penelope-i hma zawn lei a arsi lem in ziak chu nasa fe hian a rawn alh thut a,
a mak lutuk, a mak lutuk(!!)
chu meialh atang chuan Kawrfual dum ha Pitar hmelchhe deuh mai hi alo chhuak hlawl mai a,
chutia a rawn lan thut avang chuan Neira- pawh chuan a thil chham lai chu a tawp chawt a,
chu pitar hmel rapthlak deuh chuan thinrim tak a Neira- kawh pah chuan,
" Zan in hian enge itih ihria em lak tlak loh pa, kan Sabbath- hman lai min rawn tibuai tih i hre lo a maw "
" Siraka- mi tenawm nu, helai hmun ațang hian thlawk bo nghal rawh, tih tur pakhatmah i neilo helai ah hian, kei hi Wizard Ropui Ian Neira De Kaelo'a- ka ni tih i theihnghilh ta em ni "
" i tawngkam kha fimkhur rawh "
Penelope-i kawh pah chuan chu pitar chuan,
" he mi bawlhhlawh nu lak a ka dawi sut tum in i buai amaw, thi tlak anih hi, amah mai nilovin a chipui zawng zawng te nen ka la that chimit vek ang, nang Neira, zan in atang hian nang aiin ka ropui a, thil ka tithei zawk tih lo hre tawh rawh "
an chung zawn van chung sang tak a chhum in a a hual khup Thla chu kawh pah chuan chu pitar chuan,
" enteh, nang aia ka ropui leh ka thiltihtheih na chu, he hun ropui tak lo thleng hi ani, chuvang in tunah hian i boral nghal dawn ani, he nula bawlhhlawh nen hian "
chutia a sawi zawh chuan a kut ah chuan Meialh hlawm lian tak hi alo awm nghal a, dawi hla enge maw ni chham pah chuan chu meialh chu Neira- lam ah chuan a vawm phei zawt mai a.
Chu veleh Neira- pawh chuan a kut ațang chuan meialh hlawm rawn ti chhuak ve in chu pitar in a meialh hlawm arawn vawm phei chu a vawm darh chuaih a,
chu chu a hmuh in Pitar i chuan,a kut lehlam lehlam atang chuan meialh hlawm dang rawn ti chhuak leh in Neira- chu a vawm lehnghal a, a vawm veleh a dang rawn ti chhuak leh nghal in, dawi hla chham zuah zuah chung chuan a vawm leh zung a.
Niera- pawh chuan adang ti chhuak in a vawm ve nghal țhuai țhuai mai bawk a, chu an in beihna chu a rapthlak ngei mai,
An in beihna avang chuan chulai ngaw chhung chu a êng zuai zuai a, reife chutia in tihhlum tum a an in do lai mek chuan Van chung sang tak a Thla hual tu chhum var rapthlak tak chu hnuailam pan hian hian an rawn vir thla hum hum a, reilo te ah Niera- te chung zawn lawk a rawn thleng der a, an chung zawn ah chuan vir tup tup in vawilehkhat ah pitar hmel rapthlak deuh leh Niera- te inkar ah chuan țhawng aleivir ang mai hian a rawn vir lut hum hum a, chutah ring tak mai hian a puak dur a, a țek chuaih a, Niera- chu a leng dawrh a, nikhaw hre lovin lei ah chuan a let ta reng a, an sir thing phen atanga lo thlir rengtu Marcus- pawh chu nikhaw hre lovin alo let ve der mai zu nia.
Pitar i chu rapthlak tak mai hian a nui huah huah a, boruak ah chuan mitkhap kar an boruak ah chuan aral ta daih a.
Chutia nikhaw hrelova enge maw chen a awm hnu chuan Marcus-a chu a rawn che țalh țalh a, chauh hmel tak a rawn meng in, a bul thing ngheng chuan a thu hnawk a, chau tak a rum țuah țuah chung chuan Niera- lam pan chuan a bawk vak phei țuang țuang a,
a hming a ko in a sawi vak vak a, chutah Niera- chu chauh hmel tak a rawn meng in, Marcus-a kut ah chuan ngheh hmel tak hian an hum sak a,
" Marcus, helai hmun hi in chhuahsan vat angai ani, Penelope-i saw hruai la"
chau tak in a mai mitchhing leh rih a, Marcus-a chuan hlauhthawn hmel tak hian a ko leh mawlh mawlh a,
"eng thil nge thleng ta hi, engtinnge Penelope-i saw "
chau tak a rawn meng leh in muang ban chat hian Niera-chuan,
" zanin ah thla a bial a, a bial leh hun ah chuan i thiannu saw i chan mai thei, ka chhanchhuak hman țep asin le, i țhiannu khawngaihthlak i saw "
chutah an ngawi leh rih a,
" kha Siraka- mi tenawm nu kha alawm i țhianu dawi tu chu, zan in an Sabbath- atang khan thitihtheina nasa zawk aneih belh anih kha, tunah chuan a hlauhawm hle ani, abik in kan Druid- hnam ho tan, kan hnam hi kum tam tak kal ta atang tawh khan tih boral hi a tum tawh sa reng a, mahse thiltihtheihna ala nei nasa lova, zan in hun hi atan chuan hun lawmawm tak ani ngei ang, chuvang in keini pawh amah leh a țhuihruai te nuai chimit tur a kan inpuahchah angai ngei ang le,
Marcus, i țhiannu chungah sawn thil la tih zawhloh ka la nei a, kha Siraka-i vang phiangsen khan, chuvangin hmanhmawh tak a in chhuah angai ani,
Helai hmun hi arang thei ang berin chhuah pui vat la, khawthlang lam pan zel in Delphi- zawlnei hmu tur in ka duh che u ani, in hmuh ngei ngei angai, thla bial leh hma ngeiin "
hlauthawng tih hriat tak hian Marcus-a chuan,
" aw, i sawi ang chuan ka kal pui ange, mahse thla bial hma in thleng hman lo ta ila, engtin nge ni ang, enge lo thleng ang "
Niera- chuan hul tak hian,
" a thi ang "
Marcus-a chuan ring tak hian,
" Engtin maw "
ati tuarh a.
Chutah Niera- chuan,
" Ni e, i țhiannu saw a thi dawn ani, chuvangin in hmanhmawh angai, tunah "
chiai tak leh mu leh mal pawh nei lo hian Penelope-i lam pan chuan thei leh theilo vin a tlan phei sawih sawih a, chau tak a rum țuah țuah in Penelope-i chu nghet tak in an kuah ang ren rawn a, chutah harh chhuak thut ni mai awm hian, hmanhmawh tak in a thlunna hrui chu a phelh sawk sawk a, zo leh zo lo a pawm in, a pei țuang țuang a,
a piah lawk a sakawr awmna lam ah chuan a pawm phei a, chuan sakawr chung ah chuan Penelope-i chu hlang in, ani pawh chu a lawn zui ve nghal a.
Tawite an tlan hman tih chuan sakawr chu ti ding in hnuglam a rawn hawi leh zawk a,
chutih lai chuan Wizard Neira- pwh chu alo țhu chhuak ve tawh a, chutia Marcus-a rawn lehhawi chu a ban alo vai a,
chau tak hian a rum kawk kawk a.
Thi ang der a lei char a Neira-let reng, chutia a rawn harh chhuak leh thei chu a lawm ani mai thei, a nui suk a, tichuan sakawr chu chak tak in ramhnuai lam ah chuan a khalh liam ta a.
Chutia Marcus-a ten an tlansan hnu chu chuan Neira- chu chau tak hian a rum țuah țuah a, chutia la țhu reng chung chuan a maimitchhing diar diar a, a kut leh kut chu ti insi in dawi hla enge maw ni hi muangchang hian a chham melh melh a, chutah a kut phah ah chuan thil mum tereuh te êng paw riai mai hi alo chhuak a,
mit la sawn lo a hmuhnawm ti tak a chutia ka en reng lai chuan chu thil mum êng chu alo lian telh telh in, a ëng pawh chu alo nasa telh telh a,
chutah a mit chu a rawn meng riai riai a, a chung van lam chu hawi in chu a kut a a thil mum êng nasa tak chu theihpatawp a na hian chung lam ah a vawr chho dawrh a,
chutia a tih zawh hnu chuan chau tak hian a mu zawi leh nghal zat a.
Chu a thil vawr chu rocket ang mai a chak tak a van lam a thlawk chho vawn vawn in, van chung sang tak ah chuan a puak darh chuaih a, chu thil puak chuan êng rawng chi hrang hrang siam in, van boruak zau tak chu a a luahkhat in, ati êng phut thei hial ani.
Reilo te an chu thil êng chu lakbo ang mai hian a reh ta vek a, chutia a reh hnu lawk chuan thli na tak hi chu ram ngaw chhung ah chuan rawn tleh in, thing kung lianpui pui te chu a chhem kur zawk zawk thei hial a.
Ngaiteh, chu thli rapthlak tak pawh chu reilo te an khap ang mai hian thawk lehkhat ah zu han reh duk a maw le(!!)
eng thil tak lo thleng ang maw ti a mit pawh la sawn lova ka thlir reng lai chuan,
ngaiteh, Wizard Neira- bul lawk ah chuan thawngalei vir hi lian vak lo hian thawklehkhat ah a lo awm thut a, makti tak a ka en reng lai chuan zawi zawi a lo lian telh telh in patling panga vel kut insuih a dingkual ang vel a zau hian reilo te an alo lian thuai a.
Chutah thawklehkhat ah chu thawngaleivir chu thli in a meipui a chhem alh tup tup ang hian meialh vir tup tup ah hian alo chang thut a,
ngaiteh, chu aia mak chu a rawnla thleng fo mai,
chu meialh vir tup tup ațang chuan kawrfual dum lian tak tak ha hi an lo chhuak zut zut mai anih chu, an rawn chhuah zawh chuan chu mei alh vir tup tup chu chunglam a zuih tial tial in, reilo te an boruak ah a thamral ta daih a.
Chung mi meialh atanga rawn chhuak te chu panga lai an ni a, an kawrfual hak chu lukhum nen a in zawm avang leh chu zan thim tak avang chuan an hmel reng reng a hmuh theih loh.
Chutia an rawn chhuah hnu chuan nikhawhrelo va let reng Wizard Neira- hual chuan an dingkual thap a, chuan an zing a pakhat chuan a kawr ban zau tak atang a thil fun enge maw hi rawn phawrh in, dawi hla hi ring vaklo hian a chham zuah zuah a, chutah chu thil fun dip chu an chung zawn boruak ah chuan a vawrh darh chuaih a, a vawrh darh rual chuan chu thil chu a khu rum rum a, an mahni leh Neira- pawh chu chu thil khu chuan hmuh theih loh hian reilo te an a hliah ta vek a,
second li nga vel chutia an mahni pawh hliah vek khawp a a khuk rum rum hnu chuan, chu thil khu chu a rem in, an ral leh ta riai riai a,
chu thil khu a reh leh meuh chuan chung mi ho leh Wizard Neira- te chu ka hmu tawh lo reng reng, an bo ve nghal daih anih chu
lei chhung ah an lut nge ni ang a chu thil khu ah chuan an thamral ve ta daih tih chu rin thu mai lo chuan rin dan thiam ngaih na pawh ka hre lo,
a enga pawh chu nisela atak ngeiin Mizo upa ten a 'Khawimu chawi bo' an lo tih thin chu ka hmu anih loh pawh in an 'Khuangcher bo' lai tal chu ka hmu ani ta hial ve ang(!!)
chutia hnu pawh chhui theihloh leh boruak a tham ral ang mai a an bo tak vek hnu chuan chu lemchan dawhsan chu muang chang hian a rawn thim riai riai a,
chutih lai chuan sakawr tlan ri tlauh tlauh hi chu lemchan dawhsan chung ah chuan a rawn ti leh rak rak a, mahse a thim em avangin a thawm chauhlo chu engmah a hmuh theih chuang loh.
Chutah sakawr tlan ri chu a tawp chut a, chuan engtin nge ka sawi ang, enge emaw ri deuh khut khut ri, mihring pen thawm leh thil hnuk ri ang deuh hi a rawn ri zui leh nghal a, chutah hlauthawng deuh a Marcus- a aw ngei in Penelope-i chu a ko vak vak a, chutianga vawi enge maw zah a koh hnu chuan hmeichhia, chau deuh a rum nghut nghut leh enge maw sawi ni awm tak a phun sep sep hi chu lemchan dawhsan chung thim ruih ah chuan a rawn ri chhuak ser ser a.
A thil sawi hriat tum chuan beng kan tun hra a, mahse a sawi fiahloh bak ah a zawih em avang in engvak mah ka hre thei chuang lo.
Penelope-i aw ngei ni chuan ka hria, mahse a aw a zawih em avang chuan ka chiang ngam chiah chuang lo, a thim em avangin engmah a hmuh theih siloh a,
mahse Marcus-a aw ngei ka hriat si chuan tu hmeichhia nge a bulah chuan awm ta ang..
Chutia an mahni hmu lo a an aw chauh ka hriat theih avang chuan ka thinrim țun a, eng thil nge lo thleng a, Marcus-a bula hmeichhia pawh chu tu phiangsen chu nge ni ang ti in ka in hrosa a,
Dar chanve vel lai chutia thim zing a thinrim leh lungawilo tak a mahni chauh a ka thut tum reng lai chuan ka hmalam dawhsan chu zawi muang hian a rawn eng leh tial tial a,
alo lang chiang in a lang hnai telh telh a,
ni e, ka rin kha a dik chiah ani, Marcus-a bul ah chuan tu hmeichhe dang mah an awm lo, Penelope-i ngei chu chauh hmel tak hian Thing lian tak nghenchhan a thu sawp nuaih chung hian Marcus-a chuan alo pawm a, a zawite te hian alo be reng bawk a, mahse a thusawi chu engmah ka hre thei lo.
Chutia reife an thut hnu chuan Puan hlai tak hian Marcus-a chuan Penelope-i chu a tuam hlawm sawk sawk a, lei ah chuan dim tak a mut in amah chu a tho nulh a, a puan nge savun zawk emaw ni, thui pum,ip ang deuh hi a sakawr thil phurh atang chuan la chhuak in an bun chhuak a, ni e, chu savun thui pum chu tui pai na anih ngat mai,
a chhin chu hawng in a lu chu an leih huh a, tlem a in hnu chuan Penelope-i bul ah chuan thu in tlem tlem hian a tulh zauh zauh a,
chutah kun hniam in a chal ah an fawhsak zauh a, chuan rit tih hmel tak a pawm in, a sakawr ah chuan a hlang nawlh a, ani pawh chu muangchang a lawn in, chak fahran lo tak hian a sakawr chu a khalh kal leh ta hnek hnek a, zan tam a muhil tawh lo tih leh a chau ngawih ngawih ani tih hi a hmel ah chuan a hriat khawp mai.
Mel khat emaw vel lai chutia muangchang a an kal hnek hnek hnu chuan, khua pawh chuan a rawn var ve țan ta,
reilo te an khawchhak lam atang chuan phur hmel tak hian Ni pawh zawi muang hian alo chhuak ve suar suar a, chutia reife ram palai leng a an kal beuh beuh hnu chuan an hma ral lawk a vanlam hawi a meikhu khu chho nguai ngaui mai an hmuh thut chuan Marcus- pawh chu harh ta vawk in ka hria,
a sakawr chu ti ding in uluk hmel tak hian meikhu rawn chhuahna lam chu a thlir dauh dauh a,
enge maw chen chutia a thlir hnu chuan a sakawr chu chu mi lam ah chuan kai her in, chak tak in chumi lam pan chuan a tlan tir leh ta dawr dawr a....
Comments
Post a Comment