General Hestia- chuan Marcus-a te in phur chu an hmalam kawng te chu lova thlithlai tur in reilo te an a tlansan ta a, khua pawh a lova lut hmasa zawk in, hmanhmawh vak lo a tlan Marcus-a tena khua an luh ve meuh chuan kawl ah Ni aliam țan vel mek a, an sipai riahbuk pawh pan hmasa lovin Marcus-a chuan khaw roreltu Castor-a in chu a pan ding nghal a.
Kawtlai ah chuan mi an tam em em tawh lova, Castor-a te in bul an thlen chuan sakawr ațanga chhuk in inchhung lam ah chuan an in zui lut a,
Inchhung anva luh chuan thuk mei chhemna bulah hian nutling tak pakhat Castor-a nupui ni ngei tur leh hmeichhe naupang kum sawm leh pahnih mi vel tur hi an lo țhu a, kawngka pawh kik lova lut tawp an nih avangin an luh rual chuan chu hmeichhe pahnih te chuan rang tak mai hian an rawn en ha a.
Chu nutling chuan Marcus-a ahmuh chuan, " Ka pu, lo kal rawh u, helam ah hian, enge in duh tak a."a lo ti a.
nula tleirawl lo awm ve chuan țhutna alo lak belh sak sawk sawk a,
Țhuthmun te an rem zawh hnu chuan Marcus-a chuan,
"Ka pi, minlo hrethiam la, Mrs Castor- ini em le aw?" tiin a zawt a.
Chu nutling chuan nuih huah huah pah hian, " ni ang chu, engtin nge min hriat loh thei zawk a, Ramsa hlauhawm i tihhlum zan a Zanriah kan buatsaih sak che u pawh khan kan pa bulah ka awm reng kha, nang te chu i hmel kan hmuh hma daih in kan hre tawh che asin." Alo ti a.
Marcus-an a ramsa hlauhawm a tihhlum khan khaw pum a fan chhuak in an la sawi bâng thei lova, an ngaihsan mai piah lam ah Lal fapa ani tih an hre vek tawh a, khaw mi te hian Pathian biak in an be lo chauh tawh ani.
Mahse chutiang a an fakna leh ngaihsanna te chu Marcus-a chuan engah mah angai lo a, a nun dan pangngai in a nung a, lansarh emaw pawh atum chuang lo a,in phah hniam pawh atum chuang lo.
Castor-a nupui vêk chuan a bula țhu tleirawl sam chul pah hian,
" hei hi kan fa neihchhun Maria-anih hi "
Penelope-i chu melh zauh in Marcus-a hnen ah chuan,
" hei i țhiannu hi tunge, i nupui chu ani em lovang chu maw "
Penelope-i chu zak in a sen țawn țawn a, a lai lutuk chuan hnuailam a bih ta ngawr ngawr a.
Marcus-a chuan nuih vur vur pah hian Penelope-i zah tawh nak alai in a kut chu la in an hum sak te te a,
" nupui chu la ni chiah love, ka țhiannu Penelope-i anih hi, chuan zanin a kan lo kal chhan ber chu hun reilo te chhung Penelope-i hi minlo mikhual sak tur a lo dil che u ka lo tum a, keini chu Naktuk mai hian Celticus khaw lama kan kalchhuah angai si a, chumi kan thang chhung chuan ania, Sipai rual zing a lo kal ve chi zia zang lah ani silo "
Castor-a nupui chuan lawm hmel deuh hian.
" Tehreng mai, a duh chen chen a awm thei ang chu, i țhiannu chu kan fanu ang ani alawm, i rilru ti hah duh suh "
a bula țhu an fanu Maria- hnen ah chuan,
" Maria, pu Marcus-a te hi eitur te lo buatsaih sak ta che "
chu nula chu rang deuh vin a tho a, eitur la tur chuan pindan dangah a kal ta nghal a,
Marcus-a chuan,
" kan lawm hle mai Mrs Castor, Penelope-i hi damdawi lam thiam ani a, a chhawr theihna lai lai ah chuan in lo chhawr bawrh bawrh dawn nia "
chutah thil hrechhuak thut ni awm tak hian Castor-a nupui chuan Penelope-i chu a en vang vang a,
" Pu Marcus, i țhiannu hi hripui kai ho enkawl damtu kha ani mial lo maw, Albina khua ami kha " a ti a.
phur hmel zet hian Marcus-a chuan,
" ni ang chu, Albina- khaw damdawi thiam ten a tihngaihna an hriat tawh loh kha awlsam tak in a enkawl dam vek asin, Delphi- leh khawi khawi emaw khua tlawh a kan zin haw lam in Albina- khua kan lut hlawl a, khatih lai khan hripui leh pân chhia a leng nasa em em a, chung natna ina a man ho te enkawl tur chuan kan awm khawtlai a, mahse in khua a ramsa kawlh hnawtbo tur khan General Hestia- te khan min sawm a, chuan Albina-khua ah hnutchhiah in ka lo kalsan ta ani.
A hma zawn a thu nula tleirawl te, sual kai lo ang mai a thianghlim tak mai chu damdawi thiam lutuk mai leh dawi hmang a siam hri leh natna ti dam thei tu ani tih an hriat chuan ngaisang leh maktih hmel tak mai hian Castor-a nupui chuan a thlir vawng vawng a.
Chutah Marcus-a chuan,
" anih chuan Pu Castor-a hi khawi ah nge, a awm lo em ni "
" awm e, lehkha chhiarna pindan ah a awm leh tawh ani mai thei ani "
chutia a sawi lai mek chuan an fanu Maria-i chu Dar thlêng kum hlai tak a thei rah leh eng eng emaw eitur chawi chung hian a lo kal mek a.
An țhutna bul dawhkan chung a chung a thil lo ken te a dah hnu chuan a Nu chuan, Marcus-a chu apa lehkha chhiarna pindan a hruai tur in a hrilh nghal a.
Marcus-a pawh chu a țhuthmun ațang chuan tho vin, Maria-i nen chuan pindan dang ah an inzui lut ta daih a.
Mahse reilo te ah Maria-i chu lo chhuak leh in anu bul te ah hian zah hmel deuh hian a țhu sat sat a, Penelope-i te nen chuan in kawm in, an pathum chuan thil ei pah hian an ti ti melh melh a,
Dar chanve emaw lai hnu ah chuan Marcus-a leh Castor-a chu lehkha chhiarna pindan ațang chuan rawn in zui chhuak in, Marcus-a chuan Penelope-i chu a in hmelhriat tir a Penelope-i dar a vuan in,
" lo in enkawl ța hle ang che, kan lo kir leh thuai ang "
duat deuh hian a kuah a, tichuan in mangțha in, Marcus-a chuan a chhuahsan ta a.
Sakawr chunga chuangin reilo ten an sipai awmna hmun chu a thleng nghal a, a hma a an riahna puan in ah khan an lut nghal a,
puanin chhungah chuan General Hestia leh Klent- te chu uain no dawm chung hian thu tak hmel deuh hian an lo in kawm malh malh a.
Marcus-a rawn lut an hmuh veleh Uain lo thlit sak nghal vat in an bula țhu ve rih tur in an han sawm nghal a.
Rang tak a a thir kawr te phelh zung zung in an bul ah chuan țhuthmun an rem ve nghal vat a.
General Hestia chuan,
" Heti hian rem kanlo ruat a, Nang leh kei in helai hmun a sipai hmun thum a țhen a hmun hnih hi hruai ila, chuan hmun khat dang te chu Delain leh Albina- khua ah te hian in semdarh leh mai zawk se, chuan General Klent- hian Delain lam hi lo enkawl se, chuan Captain pakhat Polus- an Albina lam saw chang ve thung se kan lo tia a, enge remruatna dang inei em ? "
a Uain chu a tlak pawp a,
" ni e, in remruat dan ang ang kha a ni rawh se, kei ai chuan nangni sipai huaisen General te chuan rem in hre daih zawk daih ang chu "
chutia Marcus-a fakna ri an han hriat chuan an lawm hle a, an mitmeng leh hawi her ah chuan an ngaisang sawt in a hriat,
a uain no tlak pap in a thlit belh lehnghal a, hlim tih hriat tak hian Hestia chuan,
" i bula kan hmelmate do thei a ka awm ringawt pawh hi chawimawina sang ber ani,"
Marcus-chuan zawi fahran hian,
" ka tana mi pawimawh ber ber te in ni reng asin, mipa te ropuina chu an chem leh fei hi ani asin, indona chu an tan ropuina ani a, hmelma te chu ropuina pe tu tur an ni "
Marcus-a thusawi chu mak anti in an in en he haw a, a uain no kenlai nen chuan a thawhsan ta daih a,
a mutna lam pan chung hian Marcus-a chuan,
" ka mutsan rih phawt mai ang che u, naktuk ah chuan a hma lam a kan chhuah a ngaih dawn si a "
sahmul lum leh chhah tak a phah a mut bu ah chuan a mu zui nghal a, a chau bawk ani ang mitkhap kar lek an a muhil nghal ta bawrh bawrh a,
General Hestia leh Klent- te pawh chuan Marcus-a thusawi dan chu mak an tiin, a fakna avang te khan an phur tulh tulh a, zan rei tak thleng ti ti dun in, rui hnap khawp a uain an in dun hnu ah chuan pai tuang tuang chung hian an mutna lam an pan ve ta țawk a.
Marcus-a a thawh ve meuh chuan Ni chu a chhuak sang fe tawh a, a rum nghut a, chutah muangchang hian a thir kawr chu a inbel mawlh mawlh a,
a hmel ah chuan phurna reng reng hi a lang lo, enge maw thil vei ruk nei ni awm tak hian a che reng reng chu a muang in a melh ngai a melh run run a.
" i tho thei maw, kan sipai te pawh chhuak tur in an in peih vek tawh e "
hlim hmel tak a puan in a rwn luh pah chuan Hestia- chuan a rawn ti lung lung a.
Mahse Marcus-a chuan a ngaihsak lo, ngawi reng in a in siam mawlh mawlh ringawt a.
Hestia- vek chuan,
" thil diklo a awm chu ani em lo maw, "
muangchang a rawn hawi chhuah pah hian Marcus-a chuan,
" awm lo ve, engkim hi kal tluang vek se ka duh khawp mai "
Hestia- dar ah chuan an vuan a,
" zinkawng thui tak zawh tur ka nei a, chuvang in he kan thil tih tur hi zawh vat vat ka duh ani, nang Sipai huaisen leh i sipai chhuanawm tak tak te nen hian kan thil duh chu kan ti hlawhtling ngei ang "
chutia a sawi zawh chuan pawn lam ah a chhuak nghal daih a.
Sipai ho te pawh chu kalchhuah in peih at in an ralthuam famkim nen, sakawr chung ah hian an lo chuang țhup a,
chung sipai ho te chu engzah nge thi anga engzah nge dam in chhuak ang, an va tawh tur te chu dawi thiltihtheihna nen an lo tang ngei dawn si a, an zalenna sual tur in an nunna an hlan angai dawn si.
Chutiang ngaihtuah ni awm tak chuan phur lo tak mai hian sipai te chu an thlir a.
Van chu enge maw ti tak a phusak tuma in siksawi ang mai hian alang a. Khua te chu veng uar e ti lovin, ruahthimpui ințham tur ang mai hian kawl kil ah chuan chhum a indinlet zut zut a. Van zawl sanglam pan silo hian kawl tawp ah chuan mei hu tawng ang hian a sen khuih khuih a.
Enge maw chen chutia in ngaihtuah a a din reng hnu chuan muangchang hian a sakawr ah chuan an lawn ve ta hram a.
Hestia- pawh phur tak a lo chhuak in sakawr ah chuan an zuangkai thauh va, chutah Marcus-a hnen ah chuan,
" nang mi ropui bula ral an do tur hi an phur teh asin, i sipai te an ni e "
tlem chuan Marcus-a chu a phur hmel ta deuh a, chutah a chem chu phawiin a kut lehlam chuan vanlam hawiin an lek kang a,
chu veleh sipai ho te pawh chuan Marcus-a tih dan ang chuan ti ve in an au rual dual dual a.
" kal ang le "
an kal dawn chiah tih chuan an hnunglam atang hian hmeichhe aw a hriat zin tawh tak hian " Marcus, Marcus "- tiin a rawn ko a.
Aw lo chhuahna hnunglam an hawi chuan an hnung piah deuh lawk ah hian Penelope-i chu thlaphan hmel deuh hian a lo ding reng a, chutia Marcus-a an a rawn hmuh veleh chuan Penelope-i chu chak vak lo hian a rawn tlan phei a, Marcus-a pawh chu a sakawr atanga zuang thla in Penelope-i lam pan chuan a kal phei ve nghal vat a.
Penelope-i chuan ngaih hmel tak a Marcus-a âwm chung a alu nghah pah hian a kuah vawng vawng a,
" engmah thil țhalo tâwk suh ang che aw, dam in lo kir leh ngei ngei ang che, min tiam rawh "
zawi deuh si, țah aw deuh ruai hian Penelope-i chuan an ti a.
A sam a duat deuh a chul heuh heuh chung hian,
" ka tiam a che, ka lo kir leh ngei ang, I nu nen kan lo kir tawh dawn a lawm, lo in enkawl țha ang che aw "
chutih lai chuan General Klent, khaw roreltu Castor-a leh sipai pakhat hi an lam pan hian an lo phei a.
Marcus-a chuan Penelope-i a kuahna chu thlah in, General Klent leh Castor- te nen chuan in thlahnan an han in kuah a, chutah General Klent chuan an bula sipai pakhat chu melh zeuh in,
" hei hi kan Captain Polus- chu anih hi "
Marcus-a chuan chu pa lam chu hawiin,
" sipai huaisen tak ini tih chu i mitmeng ațang ringawt pawh khan ahriat theih anih kha, huaisen leh chhel tak in in lo awm dawn nia, i ngunhnam leh fei khan i ropuina chu an pe mawlh ang che "
Penelope-i hnenah chuan zawite hian,
" i tan ka lo kir leh ang, minlo nghak reng ang che aw "
A sakawr awmna lam ah chuan a tlan phei vat a, in tha zo tak hian a sakawr ah chuan an zuangkai thauh va, tichuan Isle- khaw lam pan chuan an tlanchhuak ta a.
Penelope-i chuan khawhar hmel tak hian Marcus-a te tlan chu a thlir zui vawng vawng a.
an tlan liam hnu thleng pawh chuan a dinna ngai ah chuan ala ding ta reng a.
Chutianga hmanhmawh tak a an tlan lai chuan Ni pawh chuan muangchang hian khawthlang lam a liam tum ni awm tak hian a ênna te chu a ti chuai ţan ve mek zel a.
Chutia rei tak an tlan hnu chuan kawr te, tui tam vak awmloh na lai hi an thleng hlawl mai a, reilo te an Ni pawh a tlak tawh mai dawn avangin chu kawr kam ah chuan Marcus-a leh sipai ho te chuan zan riah tum in riahbuk an sual nghal sang sang hlawm a,
chutiang chuan buaina leh harsatna em em pawh neilo vin ni thum leh zan thum dawn lai chu ram palaileng ah an tlan zel a.
An kalna kawng hian khua pawh pawh țhin mah sel a, an hel lui hram hram a, a chhan chu chung khua te chu Misual Siraka-in a a awp beh vek tawh vangin khua an kal tlang chuan indona an hmachhawn a ngai dawn a.
Tin, khaw tam tak an ni a, sipai an tlem bawk si a, an beih zel chuan Celticus- khua thleng zo an awm mang lovang a, Celticus-a sipai țhenkhat dah a, Isle khw lama kal leh tum anni bawk a, mahse Penelope-i nu an hruai tur ber pawh hruai thei lovin an awm ang tih ahlauh avangin Marcus-a chuan ramhnuai lam ah a hel pui zel ani.
Tichuan an kal zel a, Ni nga vel emaw lai ramhnuai a an tlân leh hnu chuan Lung hmun zau deuh mai hi an pawh ta hlawl a.
Thlaler ang maia hnim pakhatmah țo lohna ah hian Lung lian pui pui mai, a țhen chu In tiat lai a lian te hi an lo awm fur a,
An sakawr te an khalh muang a, enge maw ngaichang ni awm tak hian beng an tun deuh hra hlawm a,
chutia an kal zel lai chuan an piah lawk lungpui lian tak sir ațang chuan kawrfual rawng thim lam in bel, putar pakhat hi alo chhuak a,
an mahni thlir vauh vauh chung hian a ding ngawi reng a.
chu putar bul an thlen chuan hlim hmel deuh leh mak ti bawk si hian Marcus-a chuan,
" Neira- nang ini maw, enge chanchin, engnge itih helai hmun ah hian " ati sawk sawk a,
General Hestia- leh sipai ho te chuan chutia Marcus-an a chu putar hmelhriat tak maia a bia chu mak an tih hmel hle a, an ka ho hlawm a,
" aw kan tha e, Marcus, tunah hian Isle- pan tur in kan in buatsaih mek ani, engti zia nge Skyros lamah ikal daih tawh ang chu ka tia? "
"Nia, thil tamtak a thleng alawm, Celticus ah kal kan tum a, Witch Siraka-in a bei mai a hlauhthawnawm tiin an sawi a, zualko an rawn intir alawm le." tiin Marcus-a chuan a chhãng a.
Neira chuan," Celticus khua chu Siraka- i thuhnuaiah a awm tawh" zawi sap hian a ti a.
Reilo te chu an ngawi deuh țhap a, General Hestia- chuan thâwk hak pah hian, " Isle- chu eng ding hmun ah nge a din le ? " tiin alo zawt a. Neira chuan,
" Sýnoro (boundary tihna ania, dawihmanga khua hualna kal tlang theih loh a an siam. CR) in an hual vek a, kaltlang theih anilo, he Sýnoro- kaltlang theihna tur chu Mount Hepnos- ram ngaw a cheng Nightwisp (lasi ang deuh thla nei tereuh te te. CR) thiltihtheihna angai a, chûng Nightwisp ho hruaitur chuan Puithiam Kalu- leh Therion- te an thang mek ani "
chutih lai chuan Van chung sang tak mai ah hian Dragon lian deuh deuh Pahnih hi an rawn thlawk hlup hlup a, sipai ho te chuan mak an tiin an awmna lam pan a a rawn thlawh zel avang chuan țanhmun siam in an ralthuam te an lo phawrh a.
Mahse Neira- chuan chung sipai ho te hnenah chuan hmelma an ni lo tih hrilh in an au a,
chutia a sawi lai mek chuan chung Dragon lian pui pui pahnih te chu lo thlawk hniam zel in, an awmna bul lawk ah chuan an lo țum a, pakhat zawk chungah chuan mi pahnih hi an lo chuanga,
Dragon chung ațang chuan chhuk in hlim hmel tak hian Neira- te awmna lam ah chuan lo phei nghal a, Neira- chuan,
" Marcus, an lo thleng ta e, tunah chuan kan kal thei ta "
Dragon chung a chuang pakhat zawk chuan, hriatloh hmel deuh hian Marcus-a chu en hu in, maktih hmel deuh hian an bul lawk a sipai tam tak awm hmur mai te chu a thlir leh a,
" Neira, tute nge ni, enge an rawn tih ve dawn helai ah hian ? "
zaidam tak leh chhuan hmel taka Marcus-a en chung hian Neira-chuan,
" Therion, hei hi Marcus Valerious-a, Baculla Lal Alpheus-a fapa chu anih hi, alo pian tur thu Palace of Prophet- a i awmlai a i hriat ngei kha anih hi "
Chu pa Dragon chunga rawn chuang putar Therion-a chu Neira- thusawi chuan a thawng hle a, mak ti tak a Marcus-a en hu chung hian,
" Neira, Lal Alpheus-a fapa maw, engti tur in nge helai ah hian a rawn kal "
Neira chuan zaidam tak hian,
" Misual Siraka-i leh a țhuihruai te nuai chimit tur in, keimahni min pui tur in " Marcus-a chu mit a siai suk a.
chu pa chuan mak ati leh zual, a hnungtawlh dawrh a, a dang sawp sawp a, alo kalpui a țhianpa chu enge maw zawh nei ni awm tak hian an en hu a.
" Neira, thil ni theilo tawp anih chu, Lal Alpheus-a fapa chungchang a hrilhlawkna kha i hre tawh lo em ni ?
he pa hian Druid- hnam chu ral a dopui ang maw ? Kan hnam ti boral tu tur hian hmelma min hnehsak ang maw ? "
Marcus-a chuan an thusawi awmzia chu a hrethiam hlawl lo, Neira leh Therion chu a en tawn zuk zuk a, sawi ve tur pawh a hre lo a, lo in rawlh dan tur pawh a hre hek lo, General Hestia leh sipai ho te phei chuan an hre lo leh zual, hmuhnawm en in an en ani ringawt mai in ka hria.
Neira- chuan Therion-a țhianpa pachan hmel tawh tak hnenah chuan,
" Kalu, nangpawn engmah i hre lo ani tiraw ?"
Kalu- pawh chuan angaihna a hriatthiam hmelloh hle a, ngawi reng hian Marcus- chu a en leh vung zel ringawt a.
Chutah Neira- chuan,
" Kalu, Therion, lo ngaithla teh u, Phatsantu Zeddicus de La'mir- a hmalak na vek ani asin, abul ret ațang khan "
Kalu leh Therion chuan, maktih hmel deuh hian, " engtin maw ?" an ti rual țhawt a, Neira- chuan sawi zawm leh in,
" Ni e, mihring te chanvo rel tu Pathiannu te'n, Lal Alpheus-a chuan fapa aneih tur thu leh chu a fapa chuan Druid- hnam ala chhanhim ang a, amah avangin Thim chu tih chimih in a la awm ang tiin an puang anih kha, mahse Phatsan tu tenawm tak Zeddicus-a bum in in awm a, nangni chauh nilovin, Palace of Prophet- a mi tam tak pawh a bum asin, chuvangin Druid Puithiam sang te pawh an thu a rual thei lova, nangni pawn Palace of Prophet- in chhuahsan chhan kha ani lo em ni ?"
Neira thusawi chu mak an tiin Kalu leh Therion-a te chuan sawi tur pawh an hre lo, Marcus-a leh lek phei chuan.
Hrilhhai tak hian Puithiam Neira- chu an en țhup ringawt a.
Neira- vek chuan,
" Phatsantu Zeddicus-a khan hrilhlawkna avang khan Marcus-a hi tihboral a tum, chuvang in a pian dawn hnaih ațang reng in Lal Alpheus-a hnenah a in tulut char char a, mahse Marcus-a alo pian khan, Dragonlord Emrys chuan a hnampui te chhanhim tu tur chu a aiawh Dragon Aithusa in a tirin chibai a zu buk a, chuvangin Zeddicus- khan kut a lek ngam leh lo a, tichuan Aesirod- khua ah tlân bovin, a hma daih ațanga alo tum lawk ang ngei 'dark magic' khawvel ah a in tulut ta ani, chuan Zeddicus-a chu tun ah hian Druid- hnam tihboral tumtu leh tuna kan beih tur Siraka-i thachang dawl tu hi ani, "
sawi tur an vân hlawm tlang hle a, reife hnu ah chuan Therion- chuan,
" Puithiam Neira, ka hrethiam ta e, Zeddicus-a chuan a thiltih rah chu a la seng khawp ang, Palace of Prophet-a buaina ah pawh khan a lamah ka țang ngei tih ka sawi e, chuan Puithiam sang thahna ah leh 'Book Of Mystikó'- rúk bona chungchang ah pawh khan ka in rawlh ngei tih Chhum lakhawm țhin tu Thi theilo Pathian Chungnung ber Zeus-a khabehmul chhal in ka sawi e, "
chutia a sawi pah chuan Neira- hma ah chuan inthiam loh hmel tak in a țhingțhi a,
Neira chuan kaitho vin an kuah a,
" engkim chu a nih tur ang ani zo vek tawh, inchhirna hian engmah ati danglam thei tawh lo, tunah chuan Zeddicus-a thil tum chu i hre tawh a, chuan Marcus Valerious-a pawh Pathiante rorel ang ngei in min pui tur in a awm bawk a, engdang nge kan la mamawh belh cheu ang ? Ti rawh u, Isle lam pan chuan i kal tawh ang u "
Marcus-a pawh chuan Neira- thusawi avang chuan phurna leh thatho na a neih belh ani ngei ang, a hmel pawh anung sarh a, a hawi her pawh a hma ai chuan a zang vah tawh. Mahsela chûng an thusawi te avang chuan Marcus-a aiin a sipai ho te chu an lawm hmel daih zawk niin alang.
Tichuan Kalu leh Therion-a te chu Dragon ah bawk chuan an chuang leh a, van chung sang tak ah thlawk chho vin, Isle- khaw lampan chuan an thlawk liam leh ta a,
Dragon te thlawh liam na lampang thlir vauh vauh chung hian Neira- chuan,
" Marcus, Skyros- thliarkar ah khan i kal hi ka ring lo sa reng asin, a chhan chu i țhiannu Penelope-i khan a nu khawngaihthlak tak hi hmuh hlan a nghakhlel em em a, i bulah chuan engkim theihnghilh in a thinlung zawng zawng nei mah la, Isle- hming a hriat rual rual in a nu hi a hrechhuak nghal dawn a, chuvangin Skyros- ah chuan a kal duhlo ang tih ka hre sa tawh asin, chuan tun ah khawiah nge i hnutchhiah tak ?"
mak tih hmel tak hian Neira- chu a en rûn rûn a, reife a ngawih reng hnu chuan,
" Neira, nang hi chuan engkim hi ilo hria ani e, Delain- khua ah minlo nghak tur in ka ti a, dam tak a anu nena ka in hmuh tir leh ngei chu angai ani, ka in hmuh tir ngei bawk ang "
" Marcus, i kalna tur leh i hmachhawn tur chu i hria a, mahse i thinlung chu hlauhna in a tikhur hek lo, huaisenna thlarau chuan rapthlak khawp hial in an tuam che anih hi "
chutia a sawi zawh chuan Neira- chu boruak ah chuan zawimuang hian a thamral ta riai riai a,
Marcus-a chuan sipai ho lam chu hawiin ring tak hian,
" In hming chu kum tamtak thleng a thangkhawk ang a, Pasaltha huaisen hlauh neilo tiin in chanchin chu an rawn sawi nawn leh thin ang ? Chuvangin hneh rawh u, thihna in hlau em ni ? Kan hma ah sawn chawimawina leh ropuina in minlo hmuak dawn ani "
chutia a sawi zawh chuan sipai te chu Phûr tak mai hian an au rual dual dual a, Marcus-a chuan a sakawr vaw tlan in hma a hruai a, sipai ho te pawh chuan phur tak mai hian an zui ve nghal vat a, tichuan Isle- lam pan chuan an tlan liam ta a.
Reilo te an hmazawn van chung sang tak mai a țek ang tak tak phe zuaih zuaih te, eng thil emaw ni thla nei boruak a thlawk zuai zuai te chu chianglo ruaiin a hmu a.
Lung hmun khawk rawk tak tak hmun a mel hnih vel zel a thui an kal hnu chuan ngaw hmun thim chhah pui mai ah hian an lût leh a.
Mahse chu ngaw hmun chu a zau em em lo. An chhuahsan leh meuh chuan Isle khaw bul lawk hi an thleng der a.
Isle- khaw hual chuan Sýnoro- bang chu alo in hung pup mai a.
He boundary hi kulh ang mai hian khaw hual hian bang ang maiin a ding lurh a. Kan hriat thiam dan tur chuan khaw chhung hmuh theih deuh reuh si, darthlalang tui a kan tih huh avanga thil kan hmuh fiahlo ruai ang deuh hi ani a, khaw chhung leh khaw pawn ațang pawh in a in hmuh fiah theihloh ve ve ani.
Isle khaw bul Sýnoro- bang bul vel ah chuan Puithiam kawrfual ha tamtak an lo awm țhup tawh a, an chung zawn van boruak ah te chuan nungchan zir ni awm tak hian Dragon lian tak tak hi sawm li emaw sawmnga vel lai tur hi an lo thlawk kual sup sup mai lehnghal,
chutih lai chuan Sýnoro- hungna chu a țek leh zuai țhin a, a changin hmun khat lai te hi a rawn alh leh hluah hluah bawk a, mahse a hnu lawk ah a ngaite in alo awm leh zel mai anih chu.
Chung thil ropui nge rapthlak tak zawk chu enge maw chen an thlir vauh vauh hnu chuan chuti lam pan chuan an tlan ve leh nghal a.
.....(end chapter 8)...
Comments
Post a Comment